Criticism | ദേശീയപാത ഭാഗികമായി തുറന്നത് ദുരിതമായി; സർവീസ് റോഡിലെ യാത്രക്കാർ വലയുന്നു; നടപടി വേണമെന്ന് ജില്ലാ പഞ്ചായത്ത് അംഗം

കാസർകോട്: (KasargodVartha) ദേശീയപാത 66 ന്റെ ഭാഗികമായുള്ള തുറക്കൽ യാത്രക്കാർക്ക് ദുരിതമായി മാറിയതായി പരാതി. കെഎസ്ആർടിസി അടക്കമുള്ള ബസുകൾ പ്രധാന പാതയിലൂടെ സർവീസ് നടത്തുന്നതിനാൽ, സർവീസ് റോഡിലെ ബസ് കാത്തിരിപ്പ് കേന്ദ്രങ്ങളിൽ യാത്രക്കാർ ദുരിതത്തിലായിരിക്കുകയാണ്.

ഹ്രസ്വദൂര യാത്രക്കാർക്കും ദീർഘദൂര യാത്രക്കാർക്കും ഒരുപോലെ ഈ അവസ്ഥ ബുദ്ധിമുട്ടുണ്ടാക്കുന്നു. ബസ് സ്റ്റോപ്പുകളിൽ മണിക്കൂറുകളോളം ബസ് കാത്തിരിക്കുന്ന യാത്രക്കാർക്ക് കെഎസ്ആർടിസി ബസുകൾ ദേശീയപാതയിലൂടെ കടന്നുപോകുന്നത് നിസ്സഹായതയോടെ നോക്കിനിൽക്കേണ്ട ഗതികേടാണ്. അധികൃതർ ഈ വിഷയത്തിൽ യാതൊരു ശ്രദ്ധയും ചെലുത്തുന്നില്ലെന്നും, ജനങ്ങളുടെ ബുദ്ധിമുട്ടുകൾക്ക് പരിഹാരം കാണാൻ തയ്യാറാകുന്നില്ലെന്നും ആക്ഷേപമുണ്ട്.

ഈ ഗുരുതരമായ വിഷയം അടിയന്തരമായി പരിഗണിക്കണമെന്നും, സർവീസ് റോഡിലെ ബസ് സ്റ്റോപ്പുകളിൽ കാത്തുനിൽക്കുന്ന യാത്രക്കാരെ കയറ്റാൻ കെഎസ്ആർടിസി അടക്കമുള്ള ബസുകൾ സർവീസ് റോഡിലേക്ക് പ്രവേശിക്കാനുള്ള അടിയന്തര നടപടികൾ സ്വീകരിക്കണമെന്നും കാസർകോട് ജില്ലാ പഞ്ചായത്ത് സിവിൽ സ്റ്റേഷൻ ഡിവിഷൻ മെമ്പർ ജാസ്മിൻ കബീർ ചെർക്കളം കാസർകോട് റീജിയണൽ ട്രാൻസ്പോർട്ട് ഓഫീസറോട് അഭ്യർത്ഥിച്ചു.

ഈ വാർത്തയെ കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Partial opening of National Highway 66 in Kasaragod causes hardship for service road passengers. KSRTC buses running on the main road leave passengers stranded. District Panchayat member demands immediate action from authorities.

#NationalHighway #Kasaragod #TravelIssues #ServiceRoad #KSRTC #DistrictPanchayat