Demand | പടന്നക്കാട് നെഹ്റു കോളജിന് മുന്നിൽ വന്മതിലായി ദേശീയപാത; വിദ്യാർഥികൾക്ക് ദുരിതം; കാൽനട മേൽപാലം വേണമെന്ന് ആവശ്യം ശക്തം

നീലേശ്വരം: (KasargodVartha) പടന്നക്കാട് നെഹ്റു ആർട്സ് ആന്റ് സയൻസ് കോളജിന് മുന്നിൽ ദേശീയപാത വികസനം വിദ്യാർഥികൾക്ക് ദുരിതയാത്ര സമ്മാനിക്കുന്നു. കോളജിന് മുന്നിൽ വലിയൊരു മതിൽ പോലെ ഉയർന്നുവരുന്ന ദേശീയപാത നിർമാണം പൂർത്തിയാകുന്നതോടെ കാഞ്ഞങ്ങാട് ഭാഗത്തുനിന്നും വരുന്ന വിദ്യാർത്ഥികൾക്ക് കോളേജ് സ്റ്റോപ്പിൽ ഇറങ്ങിയ ശേഷം ഏകദേശം ഒരു കിലോമീറ്ററോളം നടന്ന് കോളജിലെത്തേണ്ട അവസ്ഥയാണ് സംജാതമാകുന്നത്. ഈ ദുരിതാവസ്ഥയ്ക്ക് അടിയന്തര പരിഹാരം കാണണമെന്നും കോളജിന് മുന്നിൽ ഫുട് ഓവർബ്രിഡ്ജ് സ്ഥാപിക്കണമെന്നുമുള്ള ശക്തമായ ആവശ്യം ഉയർന്നു കഴിഞ്ഞു.

വിദ്യാർത്ഥികളുടെ യാത്രാക്ലേശം പരിഹരിക്കുന്നതിനായി കോളജിന് മുന്നിൽ ഫുട് ഓവർബ്രിഡ്ജ് സ്ഥാപിക്കണമെന്ന് കോളജ് പി.ടി.എ. ജനറൽ ബോഡി യോഗം ആവശ്യപ്പെട്ടു. യോഗത്തിൽ കോളജ് പ്രിൻസിപ്പൽ ഡോ. കെ.വി. മുരളി അധ്യക്ഷത വഹിച്ചു. പി ടി എ വൈസ് പ്രസിഡന്റ് വി വി തുളസി സംസാരിച്ചു. ഡോ കെ ലിജി സ്വാഗതവും ഡോ നന്ദകുമാർ കോറോത്ത് നന്ദിയും പറഞ്ഞു. ഭാരവാഹികൾ: ഡോ. കെ വി മുരളി (പ്രസിഡന്റ്), വി.വി. തുളസി (വൈസ് പ്രസിഡന്റ്), ഡോ.കെ.വി. വിനീഷ് കുമാർ (സെക്രട്ടറി), ഡോ.കെ.എം. ആതിര (ട്രഷറർ). 

ദേശീയപാത വികസനം നാടിന് പുരോഗതി നൽകുന്ന ഒന്നാണെങ്കിലും, വിദ്യാർത്ഥികളുടെ യാത്രാക്ലേശം പോലുള്ള കാര്യങ്ങളിൽ അധികാരികൾ വേണ്ടത്ര ശ്രദ്ധ ചെലുത്തുന്നില്ലെന്ന ആക്ഷേപം ശക്തമാണ്. പടന്നക്കാട് നെഹ്റു കോളജിലെ വിദ്യാർത്ഥികളുടെ ദുരിതം കണക്കിലെടുത്ത് എത്രയും പെട്ടെന്ന് ഇവിടെ ഒരു ഫുട് ഓവർബ്രിഡ്ജ് സ്ഥാപിക്കാൻ അധികാരികൾ തയ്യാറാകണമെന്നാണ് വിദ്യാർഥികളുടെയും രക്ഷിതാക്കളുടെയും ആവശ്യം.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ രേഖപ്പെടുത്തൂ.

The development of the national highway in front of Padannakkad Nehru College is causing travel difficulties for students. Students traveling from Kanhangad have to walk about a kilometer after getting off at the college stop. There is a strong demand for the authorities to take immediate action and build a foot overbridge in front of the college.

#PadannakkadCollege, #NationalHighway, #StudentIssues, #FootOverbridge, #KeralaNews, #RoadDevelopment