ലഹരി ഉല്‍പന്നങ്ങളുടെ വില്‍പന തടയണം: മുസ്ലിം യൂത്ത് ലീഗ്

മേല്‍പറമ്പ്: ചന്ദ്രഗിരി ഗവ. ഹയര്‍സെക്കന്‍ഡറി സ്‌കൂള്‍ പരിസരം കേന്ദ്രീകരിച്ച് നടത്തുന്ന കഞ്ചാവ് അടക്കമുള്ള ലഹരി ഉല്‍പന്നങ്ങളുടെ വില്‍പന തടയണമെന്ന് മുസ്ലിം യൂത്ത് ലീഗ് ചെമ്മനാട് പഞ്ചായത്ത് കമ്മിറ്റിയോഗം ആവശ്യപ്പെട്ടു.

മേല്‍പറമ്പ് ടൗണ്‍ കേന്ദ്രീകരിച്ച് മഡ്ക്ക പോലുള്ള ചൂതാട്ടവും, സ്‌കൂള്‍ പരിസരത്ത് കഞ്ചാവ് വില്‍പനയും രഹസ്യമായി നടക്കുന്നു. പോലീസ് അധികൃതര്‍ ഇത്തരം പ്രവര്‍ത്തനങ്ങളെ തടഞ്ഞില്ലെങ്കില്‍ യൂത്ത് ലീഗ് ജനകീയ റെയ്ഡ് നടത്താനും തീരുമാനിച്ചു.

യോഗത്തില്‍ പ്രസിഡന്റ് അന്‍വര്‍ കോളിയടുക്കം അധ്യക്ഷത വഹിച്ചു. ജനറല്‍ സെക്രട്ടറിയുടെ ചുമതല കെ.ടി. നിയാസിന് നല്‍കി. ടി.ഡി. കബീര്‍, റൗഫ് ബാവിക്കര, അബൂബക്കര്‍ കണ്ടത്തില്‍, ദുബൈ കെ.എം.സി.സി. ചെമ്മനാട് പഞ്ചായത്ത് പ്രസിഡന്റ് മുഹമ്മദ് കുഞ്ഞി ചെമ്പരിക്ക, നിസാര്‍ ഫാത്വിമ, അഫ്‌സല്‍ മേല്‍പറമ്പ്, അഷറഫ് മൂടംബയല്‍, ടി.ഡി. ലത്തീഫ്, അബൂബക്കര്‍ കടാങ്കോട്, റഹ്മാന്‍ ദേളി, പി.ബി. അഷ്‌റഫ്, സി.എ. മനാഫ്, സയ്യിദ് മുംതസീര്‍, ഖാദര്‍ മിര്‍ഷാദ്, ഹനീഫ് സുല്‍ത്താന്‍, നജീബ് പരവനടുക്കം, ഇസ്മാഈല്‍ കോളിയടുക്കം, മൊയ്തീന്‍ കോളിയടുക്കം, ഹംറാസ് തെക്കില്‍, അസ്‌ലം കീഴൂര്‍, മുനീര്‍ മിലട്ടറി എന്നിവര്‍ ചര്‍ച്ചയില്‍ പങ്കെടുത്തു. ജനറല്‍ സെക്രട്ടറി കെ.ടി. നിയാസ് നന്ദിപറഞ്ഞു.