ഇന്ധന വില വര്‍ദ്ധനവിനെതിരെ മുസ്ലിം യൂത്ത് ലീഗിന്റെ വണ്ടി തള്ളല്‍ സമരം വേറിട്ടതായി; സമരം നടന്നത് പ്രധാനമന്ത്രിയുടെയും മന്ത്രിമാരുടെയും മുഖംമൂടിയണിഞ്ഞ്

By Web Desk SNSep 23, 2017, 19:42 IST

കാഞ്ഞങ്ങാട്: (www.kasargodvartha.com 23.09.2017) ഇന്ധന വില വര്‍ദ്ധനവിനെതിരെ മുസ്ലിം യൂത്ത് ലീഗിന്റെ വണ്ടി തള്ളല്‍ സമരം വേറിട്ടതായി. അജാനൂര്‍ പഞ്ചായത്തിന്റെയും കാഞ്ഞങ്ങാട് മുനിസിപ്പല്‍ കമ്മിറ്റിയുടെയും നേതൃത്വത്തിലാണ് ശനിയാഴ്ച രാവിലെ സമരം നടന്നത്. പ്രധാനമന്ത്രിയുടെയും മന്ത്രിമാരുടെയും മുഖംമൂടിയണിഞ്ഞ് റോഡിലിറങ്ങിയ പ്രവര്‍ത്തകര്‍ വണ്ടി തള്ളിക്കൊണ്ട് പ്രതിഷേധിക്കുകയായിരുന്നു.

ലീഗ് പ്രവര്‍ത്തകരുടെ സമരം നിരവധി പേരെ ആകര്‍ഷിച്ചു. പെട്രോള്‍ വില വര്‍ദ്ധനവിനെതിരെ ഭരണ പ്രതിപക്ഷ കക്ഷികള്‍ ശക്തമായ സമര പരിപാടികളുമായി രംഗത്തിറങ്ങിയിരിക്കുകയാണ്.