Safety | മൊഗ്രാൽ ടൗൺ സർവീസ് റോസിൽ ഹമ്പ് ഒഴിവാക്കി ബാരിക്കേഡ്; അപകടഭീഷണിയിൽ നാട്ടുകാർ

മൊഗ്രാൽ: (KasargodVartha) ദേശീയപാത നിർമ്മാണ കമ്പനിയുടെ അശാസ്ത്രീയമായ പ്രവർത്തനങ്ങൾ തുടരുകയാണെന്ന ആരോപണവുമായി നാട്ടുകാർ. പരാതികൾ പരിഹരിക്കുന്നതിനു പകരം, കൂടുതൽ പ്രശ്നങ്ങൾ സൃഷ്ടിക്കുകയാണെന്ന് നാട്ടുകാർ ആരോപിക്കുന്നു.  മൊഗ്രാൽ ടൗണിൽ ഒരു ഭാഗത്ത് സർവീസ് റോഡ് അടച്ചിട്ട് 20 ദിവസത്തിലധികമായി. 

മറുവശത്ത്, ആയിരക്കണക്കിന് വിദ്യാർത്ഥികൾ പഠിക്കുന്ന സ്കൂളിലേക്കുള്ള റോഡിനും അടിപ്പാതയ്ക്കും സമീപം, വാഹനങ്ങളുടെ വേഗത കുറയ്ക്കാൻ സ്ഥാപിച്ചിരുന്ന ഹമ്പ് റോഡിന്റെ മിനുക്കുപണികൾ നടത്തിയപ്പോൾ നീക്കം ചെയ്തു. പകരം ബാരിക്കേഡുകളാണ് സ്ഥാപിച്ചത്. ഹമ്പ് നീക്കം ചെയ്തതോടെ, ജംഗ്ഷനിലേക്ക് മൂന്നു ഭാഗത്തുനിന്നും അമിത വേഗതയിലാണ് വാഹനങ്ങൾ വരുന്നത്. ഇത് വലിയ അപകടങ്ങൾക്ക് കാരണമാകുമെന്ന് നാട്ടുകാർ ഭയപ്പെടുന്നു.

സ്കൂൾ തുറക്കുന്നതോടെ റോഡ് മുറിച്ചുകടക്കുന്ന വിദ്യാർത്ഥികളുടെ സുരക്ഷയെക്കുറിച്ച് നാട്ടുകാർ ആശങ്കപ്പെടുന്നു. ഹമ്പ് പുനഃസ്ഥാപിക്കണമെന്നും, വാഹനങ്ങളുടെ വേഗത നിയന്ത്രിക്കണമെന്നും നാട്ടുകാർ ആവശ്യപ്പെടുന്നു. ഹമ്പ് സ്ഥാപിക്കുമ്പോൾ രാത്രിയിൽ വാഹനങ്ങൾ ശ്രദ്ധിക്കുന്നതിനുള്ള സംവിധാനങ്ങൾ ഒരുക്കണമെന്നും നാട്ടുകാർ പറയുന്നു. അശാസ്ത്രീയമായി നിർമ്മിക്കുന്ന ഹമ്പുകൾ പലയിടത്തും അപകടങ്ങൾക്ക് കാരണമാകുന്നുവെന്ന പരാതിയും നിലനിൽക്കുന്നുണ്ട്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Residents of Mogral Town are concerned about increased accident risks after the removal of a speed hump on the service road near a school and underpass, which was replaced with a barricade by the national highway construction company, who are also accused of unscientific work and ignoring public grievances.

#Mogral #RoadSafety #AccidentRisk #Protest #KeralaNews #HighwayConstruction