കോയമ്പത്തൂരിലേക്ക് ജോലിക്ക് പോയ മധ്യവയസ്‌ക്കനെ കാണാനില്ലെന്ന് പരാതി

By Web Desk - MainMar 14, 2018, 12:11 IST

കാഞ്ഞങ്ങാട്: (www.kasargodvartha.com 14.03.2018) കോയമ്പത്തൂരിലേക്ക് ജോലിക്ക് പോയ മധ്യവയസ്‌ക്കനെ കാണാനില്ലെന്ന് പരാതി. സംഭവത്തില്‍ പോലീസ് അന്വേഷണം ആരംഭിച്ചു. മംഗളൂരു പടുമ്പശ്രീയിലെ എച്ച് കുശലയെ (47)യാണ് കാണാതായത്. സംഭവത്തില്‍ മകന്‍ ചിത്താരി വേങ്ങച്ചേരിയിലെ രോഹിത് കുമാറിന്റെ പരാതിയില്‍ ഹൊസ്ദുര്‍ഗ് പോലീസ് കേസെടുത്തു.

കുശല ശനിയാഴ്ച ചിത്താരി വേങ്ങച്ചേരിയിലെ സഹോദരി സബിതയുടെ വീട്ടിലേക്ക് വന്നിരുന്നു. ഇവിടെ നിന്നും ജോലിസ്ഥലമായ കോയമ്പത്തൂരിലെ എല്‍ ആന്‍ഡ് ടീ കമ്പനിയിലേക്ക് പോകാനായി കുശലയെ മകന്‍ കഴിഞ്ഞ ദിവസം രാത്രി 11.40ന് കാഞ്ഞങ്ങാട് റെയില്‍വെ സ്റ്റേഷനില്‍ കൊണ്ട് വിട്ടിരുന്നു. എന്നാല്‍ പിന്നീട് കുശലയെ കുറിച്ച് യാതൊരു വിവരവും ഇല്ലാത്തതിനെ തുടര്‍ന്ന് കമ്പനി അധികൃതര്‍ രോഹിത് കുമാറിനെ വിളിച്ച് അറിയിക്കുകയായിരുന്നു.

തുടര്‍ന്നാണ് ഹൊസ്ദുര്‍ഗ് പോലീസില്‍ പരാതി നല്‍കിയത്.