നാട്ടുവൈദ്യന്‍ വീടിന് സമീപത്തെ മരക്കൊമ്പില്‍ തൂങ്ങിമരിച്ച നിലയില്‍

മുള്ളേരിയ: (www.kasargodvartha.com 19.10.2017) നാട്ടുവൈദ്യനെ വീടിന് സമീപത്തെ മരക്കൊമ്പില്‍ തൂങ്ങിമരിച്ച നിലയില്‍ കണ്ടെത്തി. കോട്ടൂര്‍ ശിവപുരത്തെ മഹാലിംഗയുടെയും പരേതയായ സുശീലയുടെയും മകനാണ്. ഗിരീഷ് കുമാറിനെ (37)യാണ് മരിച്ച നിലയില്‍ കണ്ടത്. ചൊവ്വാഴ്ച രാത്രി ഭക്ഷണം കഴിച്ച ശേഷം ഗിരീഷ് കുമാര്‍ കിടന്നതായിരുന്നു. ബുധനാഴ്ച രാവിലെ കാണാത്തതിനെത്തുടര്‍ന്ന് ബന്ധുക്കള്‍ അന്വേഷിക്കുന്നതിനിടെ ഉച്ചയോടെ ഗിരീഷിനെ കശുമാവിന്‍ കൊമ്പില്‍ തൂങ്ങിമരിച്ചതായി കണ്ടെത്തുകയായിരുന്നു.

ആദൂര്‍ പോലീസ് ഇന്‍ക്വസ്റ്റ് നടത്തിയ മൃതദേഹം കാസര്‍കോട് ജനറല്‍ ആശുപത്രിയില്‍ പോസ്റ്റുമോര്‍ട്ടത്തിന് ശേഷം വീട്ടുപറമ്പില്‍ സംസ്‌കരിച്ചു. അവിവാഹിതനാണ്. സഹോദരങ്ങള്‍: മണികണ്ഠ, കാര്‍ത്തികേയന്‍, ഉഷ, പുഷ്പ.