ബസ് സ്റ്റാന്‍ഡില്‍ കുഴഞ്ഞുവീണ അമ്പത്തിമൂന്നുകാരന്‍ ആശുപത്രിയില്‍ മരിച്ചു

By Webdesk ViNov 4, 2017, 11:04 IST

ചെറുവത്തൂര്‍: (www.kasargodvartha.com 04/11/2017) ബസ് സ്റ്റാന്‍ഡില്‍ കുഴഞ്ഞുവീണ അമ്പത്തിമൂന്നുകാരന്‍ ആശുപത്രിയില്‍ മരണപ്പെട്ടു. ചെറുവത്തൂര്‍ കാരിയിലെ മുന്തിക്കോട്ട് നാരായണന്‍ ആണ് പരിയാരം മെഡിക്കല്‍ കോളജാശുപത്രിയില്‍ ചികിത്സയില്‍ കഴിയുന്നതിനിടെ മരിച്ചത്. ഇക്കഴിഞ്ഞ ചൊവ്വാഴ്ച പയ്യന്നൂര്‍ ബസ് സ്റ്റാന്‍ഡിലാണ് നാരായണന്‍ കുഴഞ്ഞുവീണത്.

അവിടെ ഡ്യൂട്ടിയിലുണ്ടായിരുന്ന ഹോംഗാര്‍ഡ് നാരായണനെ ഉടന്‍ തന്നെ പയ്യന്നൂര്‍ സഹകരണാശുപത്രിയില്‍ പ്രവേശിപ്പിച്ചെങ്കിലും നില ഗുരുതരമായതിനാല്‍ പരിയാരത്തേക്ക് മാറ്റുകയായിരുന്നു. വെള്ളിയാഴ്ച വൈകുന്നേരത്തോടെ മരണം സംഭവിച്ചു. ഭാര്യ യശോദ(ബീഡിതൊഴിലാളി ചെറുവത്തൂര്‍) മക്കള്‍: നിധിന്‍(ജവാന്‍ ജമ്മുകശ്മീര്‍), നീതു.