ജീപ്പിടിച്ച് കാല്‍നട യാത്രക്കാരന്‍ മരിച്ചു

By Web Desk SNSep 26, 2017, 20:02 IST

മഞ്ചേശ്വരം: (www.kasargodvartha.com 26.09.2017) ജീപ്പിടിച്ച് കാല്‍നട യാത്രക്കാരന്‍ മരിച്ചു. കണ്വതീര്‍ത്ഥയിലെ രവീന്ദ്രന്‍ (48) ആണ് മരിച്ചത്. തിങ്കളാഴ്ച വൈകിട്ട് മഞ്ചേശ്വരം ഉദ്യാവറിലാണ് അപകടമുണ്ടായത്. കുറ്റിക്കോലില്‍ നിന്നും മംഗളൂരുവിലേക്ക് പോവുകയായിരുന്ന ജീപ്പ് രവീന്ദ്രനെ ഇടിക്കുകയായിരുന്നു.

ഗുരുതരമായി പരിക്കേറ്റ രവീന്ദ്രനെ ഉടന്‍ തന്നെ മംഗളൂരുവിലെ ആശുപത്രിയില്‍ പ്രവേശിപ്പിച്ചെങ്കിലും രാത്രിയോടെ മരണം സംഭവിക്കുകയായിരുന്നു. കൃഷ്ണപ്പ- സരസ്വതി ദമ്പതികളുടെ മകനാണ്. ഭാര്യ: മാലതി.