Obituary | മകന്റെ അടിയേറ്റ ഗൃഹനാഥന്‍ മരിച്ചു; പ്രതി പിടിയില്‍
Apr 2, 2024, 00:03 IST
ബേക്കല്‍: (KasargodVartha) മകന്റെ അടിയേറ്റ ഗൃഹനാഥന്‍ മരിച്ചു. ബേക്കല്‍ പൊലീസ് സ്റ്റേഷന്‍ പരിധിയില്‍ പള്ളിക്കര പെരിയ റോഡിലെ പഴയ സിനിമ തീയറ്ററിന് സമീപത്തെ അപ്പക്കുഞ്ഞി (67) യാണ് മരിച്ചത്. സംഭവവുമായി ബന്ധപ്പെട്ട് അപ്പക്കുഞ്ഞിയുടെ മകന്‍ പ്രമോദ് (35) ബേക്കല്‍ പൊലീസിൻ്റെ പിടിയിലായി.
തിങ്കള്‍ വൈകിട്ട് 5.30 മണിയോടെ വീട്ടില്‍ വെച്ചാണ് സംഭവം. അച്ഛനും മകനും തമ്മിലുണ്ടായ തര്‍ക്കമാണ് കൊലപാതകത്തില്‍ കലാശിച്ചതെന്നും തര്‍ക്കത്തിനിടയില്‍ പ്രമോദ് ഇരുമ്പ് പാര കൊണ്ട് അച്ഛനെ തലയില്‍ അടിക്കുകയായിരുന്നുവെന്നും പൊലീസ് വെളിപ്പെടുത്തി.
തലയ്ക്ക് ഗുരുതരമായി പരിക്കേറ്റ അപ്പക്കുഞ്ഞിയെ ജില്ലാ ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല.
തിങ്കള്‍ വൈകിട്ട് 5.30 മണിയോടെ വീട്ടില്‍ വെച്ചാണ് സംഭവം. അച്ഛനും മകനും തമ്മിലുണ്ടായ തര്‍ക്കമാണ് കൊലപാതകത്തില്‍ കലാശിച്ചതെന്നും തര്‍ക്കത്തിനിടയില്‍ പ്രമോദ് ഇരുമ്പ് പാര കൊണ്ട് അച്ഛനെ തലയില്‍ അടിക്കുകയായിരുന്നുവെന്നും പൊലീസ് വെളിപ്പെടുത്തി.
തലയ്ക്ക് ഗുരുതരമായി പരിക്കേറ്റ അപ്പക്കുഞ്ഞിയെ ജില്ലാ ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല.
ഞായറാഴ്ച പകല്‍ അച്ഛനും മകനും തമ്മില്‍ തര്‍ക്കമുണ്ടായതായി പൊലീസ് പറഞ്ഞു. മകന്റെ അടിയേറ്റതിനെ തുടര്‍ന്ന് അപ്പകുഞ്ഞി ബേക്കല്‍ പൊലീസ് സ്റ്റേഷനില്‍ എത്തി പരാതി നല്‍കിയ ശേഷം കോട്ടിക്കുളം ആശുപത്രിയില്‍ ചികിത്സ തേടിയിരുന്നു.
ഇതിനിടയിലാണ് തിങ്കളാഴ്ച വൈകീട്ട് അച്ഛനും മകനും തമ്മില്‍ വീണ്ടും വാക് തര്‍ക്കമുണ്ടായതും അച്ഛനെ തലക്ക് അടിച്ചു പരിക്കേല്‍പ്പിച്ചതും.
ഗള്‍ഫിലായിരുന്ന പ്രമോദ് ആറുമാസം മുമ്പാണ് നാട്ടിലെത്തിയത്. സുജാതയാണ് അപ്പകുഞ്ഞിയുടെ ഭാര്യ. മറ്റു മക്കള്‍: അജിത് (ഗള്‍ഫ്), റീത്ത, റീന. മരുമക്കള്‍: മധു (മീങ്ങോത്ത്), ജിതിന്‍ ( അച്ചാംതുരുത്തി), പ്രവിത.
Keywords: Kasaragod, Kasaragod-News, Kerala, Kerala-News, News, News-Malayalam-News, Top-Headlines, Man died after being assaulted.
Tags
Share this story
