​​​​​​​ Vacancies | കാസർകോട്ട് വിവിധ സർക്കാർ സ്ഥാപനങ്ങളിൽ തൊഴിലവസരങ്ങൾ; ഫാർമസിസ്റ്റ് മുതൽ അധ്യാപക തസ്‌തിക വരെ; അറിയേണ്ടതെല്ലാം

കാസർകോട്: (KasargodVartha) ജില്ലയിൽ വിവിധ സർക്കാർ സ്ഥാപനങ്ങളിൽ നിരവധി തൊഴിലവസരങ്ങൾ. അദ്ധ്യാപകർ, ഡോക്ടർമാർ, ഫാർമസിസ്റ്റുകൾ, എൻജിനീയർമാർ തുടങ്ങി വിവിധ തസ്തികകളിലേക്കാണ് നിയമനം. താൽപ്പര്യമുള്ള ഉദ്യോഗാർത്ഥികൾക്ക് അതാത് സ്ഥാപനങ്ങളിൽ നേരിട്ട് അപേക്ഷ സമർപ്പിക്കാവുന്നതാണ്.

പോളിടെക്‌നിക് കോളേജിൽ വർക്ക് ഷോപ്പ് സൂപ്രണ്ട്

പെരിയയിലുള്ള ഗവൺമെൻ്റ് പോളിടെക്‌നിക് കോളേജിൽ മെക്കാനിക്കൽ എഞ്ചിനീയറിംഗ് വിഭാഗത്തിൽ വർക്ക് ഷോപ്പ് സൂപ്രണ്ടിന്റെ ഒഴിവിലേക്ക് ദിവസ വേതനാടിസ്ഥാനത്തിൽ നിയമനം നടത്തുന്നു. 60 ശതമാനത്തിൽ കുറയാത്ത മാർക്കോടെ എഞ്ചിനീയറിംഗ് ബിരുദമാണ് അടിസ്ഥാന യോഗ്യത. ജനുവരി 15ന് രാവിലെ 10 മണിക്കാണ് കൂടിക്കാഴ്ച. കൂടിക്കാഴ്ചയ്ക്ക് എത്തുന്നവർ അന്നേ ദിവസം രാവിലെ 10 മണിക്ക് മുൻപായി ബയോഡാറ്റയും അസ്സൽ സർട്ടിഫിക്കറ്റുകളുമായി പോളിടെക്‌നിക് ഓഫീസിൽ രജിസ്റ്റർ ചെയ്യേണ്ടതാണ്. കൂടുതൽ വിവരങ്ങൾക്കായി 0467-2234020, 9562843843 എന്നീ നമ്പറുകളിൽ ബന്ധപ്പെടാവുന്നതാണ്.

ആരോഗ്യ മേഖലയിൽ ഒഴിവുകൾ

ചെങ്കള പ്രാഥമികാരോഗ്യ കേന്ദ്രത്തിൽ ഡോക്ടർ, ലാബ് ടെക്‌നീഷ്യൻ തസ്തികകളിലേക്കും, കാഞ്ഞങ്ങാട് ജില്ലാ ആശുപത്രിയിൽ ഫാർമസിസ്റ്റ് തസ്തികയിലേക്കും നിയമനം നടക്കുന്നു. ചെങ്കള പ്രാഥമികാരോഗ്യ കേന്ദ്രത്തിലെ കൂടിക്കാഴ്ച ജനുവരി 17ന് രാവിലെ 10 മണിക്കും, ജില്ലാ ആശുപത്രിയിലെ ഫാർമസിസ്റ്റ് നിയമനത്തിനുള്ള കൂടിക്കാഴ്ച ജനുവരി 18ന് രാവിലെ 10.30 നും നടക്കും. 

ഫാർമസിസ്റ്റ് തസ്തികയിലേക്ക് പ്ലസ് ടുവും ഫാർമസിയിൽ ഡിപ്ലോമ/ഡിഗ്രിയുമാണ് യോഗ്യത. ഫാർമസി കൗൺസിൽ രജിസ്ട്രേഷൻ സർട്ടിഫിക്കറ്റ് നിർബന്ധമാണ്. 45 വയസ്സിൽ താഴെയുള്ളവർക്ക് അപേക്ഷിക്കാം. കൂടുതൽ വിവരങ്ങൾക്കായി 0467 2217018 എന്ന നമ്പറിൽ ബന്ധപ്പെടാവുന്നതാണ്. 

പുല്ലൂർ പെരിയ ഗ്രാമ പഞ്ചായത്ത് ആയുഷ് പ്രൈമറി ഹെൽത്ത് സെൻ്റർ ഹോമിയോപ്പതിയിൽ ഫാർമസിസ്റ്റിന്റെ ഒഴിവുണ്ട്. കേരള സർക്കാർ അംഗീകൃത നഴ്സ് കം ഫാർമസിസ്റ്റ് കോഴ്സ് (എൻ.സി.പി) അല്ലെങ്കിൽ സർട്ടിഫിക്കറ്റ് കോഴ്സ് ഇൻ ഫാർമസി (സിസിപി) ആണ് യോഗ്യത. ജനുവരി 16ന് രാവിലെ 10.30ന് പഞ്ചായത്ത് ഓഫീസിൽ കൂടിക്കാഴ്ച നടക്കും. കൂടുതൽ വിവരങ്ങൾക്കായി 7907310234 എന്ന നമ്പറിൽ ബന്ധപ്പെടാവുന്നതാണ്.

അധ്യാപക നിയമനം

കാസർകോട് എൽ.ബി.എസ് എഞ്ചിനീയറിംഗ് കോളേജിൽ അപ്ലൈഡ് സയൻസ് വിഭാഗത്തിൽ അസിസ്റ്റന്റ് പ്രൊഫസർ തസ്തികയിലേക്ക് മാത്തമാറ്റിക്സ്, കെമിസ്ട്രി വിഷയങ്ങളിൽ കരാർ അടിസ്ഥാനത്തിൽ നിയമനം നടത്തുന്നു. ബന്ധപ്പെട്ട വിഷയത്തിൽ ബിരുദാനന്തര ബിരുദമാണ് യോഗ്യത. നെറ്റ്/പിഎച്ച്.ഡി യോഗ്യതയുള്ളവർക്ക് മുൻഗണന നൽകും. ജനുവരി 15ന് രാവിലെ 10.30ന് കൂടിക്കാഴ്ചയും എഴുത്തുപരീക്ഷയും ഉണ്ടായിരിക്കും. കൂടുതൽ വിവരങ്ങൾക്കായി 7907417896, 974618690 എന്നീ നമ്പറുകളിൽ ബന്ധപ്പെടാവുന്നതാണ്. 

പെർഡാല ഗവൺമെൻ്റ് ഹൈസ്കൂളിൽ യു.പി.എസ്.ടി (മലയാളം) അധ്യാപകരെ ദിവസവേതനാടിസ്ഥാനത്തിൽ നിയമിക്കുന്നു. ജനുവരി 10ന് രാവിലെ 10.30 മുതൽ 1 വരെയാണ് കൂടിക്കാഴ്ച. കൂടുതൽ വിവരങ്ങൾക്കായി 9048405684 എന്ന നമ്പറിൽ ബന്ധപ്പെടാവുന്നതാണ്.

ഐ.ടി.ഐയിൽ ഇൻസ്ട്രക്ടർ ഒഴിവുകൾ

കയ്യൂർ ഗവൺമെൻ്റ് ഐ.ടി.ഐയിൽ ടെക്‌നീഷ്യൻ പവർ ഇലക്ട്രോണിക്സ് സിസ്റ്റം, മെക്കാനിക് മോട്ടോർ വെഹിക്കിൾ ട്രേഡുകളിൽ ഗസ്റ്റ് ഇൻസ്ട്രക്ടർമാരെ നിയമിക്കുന്നു. ഓരോ ട്രേഡിനും വ്യത്യസ്ത യോഗ്യതകളും കൂടിക്കാഴ്ച തീയതികളുമുണ്ട്. ടെക്‌നീഷ്യൻ പവർ ഇലക്ട്രോണിക്സ് സിസ്റ്റം ട്രേഡിലേക്ക് ജനുവരി 10ന് രാവിലെ 11 മണിക്കാണ് കൂടിക്കാഴ്ച. മെക്കാനിക് മോട്ടോർ വെഹിക്കിൾ ട്രേഡിലേക്കും കൂടിക്കാഴ്ച ജനുവരി 10ന് രാവിലെ 11 മണിക്ക് തന്നെ നടക്കും. കൂടുതൽ വിവരങ്ങൾക്കായി 04672-230980 എന്ന നമ്പറിൽ ബന്ധപ്പെടാവുന്നതാണ്.

പട്ടികവർഗ വികസന ഓഫീസിൽ ഫെസിലിറ്റേറ്റർ

പരപ്പ പട്ടികവർഗ വികസന ഓഫീസിന് കീഴിൽ വെസ്റ്റ് എളേരി ഗ്രാമപഞ്ചായത്തിലെ സർക്കാർ പട്ടികവർഗ നഗറിലെ സാമൂഹ്യ പഠന മുറിയിലേക്ക് ഫെസിലിറ്റേറ്ററെ നിയമിക്കുന്നു. ബി.എഡ്, ഡി.എഡ് യോഗ്യതയുള്ള പട്ടികവർഗ്ഗ ഉദ്യോഗാർത്ഥികൾക്ക് അപേക്ഷിക്കാം. ജനുവരി 15ന് രാവിലെ 10 മണിക്കാണ് കൂടിക്കാഴ്ച. പരിസരവാസികൾക്ക് മുൻഗണന നൽകും. കൂടുതൽ വിവരങ്ങൾക്കായി 0467 2960111 എന്ന നമ്പറിൽ ബന്ധപ്പെടാവുന്നതാണ്.

#KasaragodJobs #GovernmentJobs #KeralaJobs #JobOpportunities #Recruitment #Vacancy