കനത്ത മഴയില്‍ വീട് തകര്‍ന്നു

By Web Desk - MainJun 22, 2018, 16:05 IST

കാഞ്ഞങ്ങാട്: (www.kasargodvartha.com 22.06.2018) കനത്ത മഴയില്‍ വീട് തകര്‍ന്നു. അജാനൂര്‍ പടിഞ്ഞാറെക്കരയിലെ പരേതനായ എന്‍.വി.കുഞ്ഞമ്പു നായരുടെ വീടാണ് വ്യാഴാഴ്ച ഉച്ചയ്ക്കുണ്ടായ കനത്ത മഴയില്‍ തകര്‍ന്നത്. മാളിക വീടിന്റെ മേല്‍ക്കൂര പൂര്‍ണമായി തകര്‍ന്നുവീണു.

വീട്ടിനകത്ത് ആരും ഉണ്ടാകാതിരുന്നതിനാല്‍ വന്‍ ദുരന്തം ഒഴിവായി. മൂന്നു ലക്ഷത്തോളം രൂപയുടെ നഷ്ടം കണക്കാക്കുന്നു. പഞ്ചായത്ത് മെമ്പര്‍ ഹമീദ് ചേരക്കാടത്ത് ഉള്‍പെടെയുള്ളവര്‍ സ്ഥലം സന്ദര്‍ശിച്ചു.