വിവാഹ വീട്ടില്‍ നിന്നും കളഞ്ഞുകിട്ടിയ സ്വര്‍ണത്തിന് ഉടമസ്ഥനെത്തിയില്ല; സ്വര്‍ണം പോലീസിലേല്‍പിച്ചു

By Web Desk - MainJul 19, 2018, 20:34 IST

തളങ്കര: (www.kasargodvartha.com 19.07.2018) വിവാഹ വീട്ടില്‍ നിന്നും കളഞ്ഞുകിട്ടിയ സ്വര്‍ണത്തിന് ഉടമസ്ഥനെത്താത്തതിനാല്‍ വിവാഹ വീട്ടുകാര്‍ സ്വര്‍ണം പോലീസിലേല്‍പിച്ചു. തളങ്കര പടിഞ്ഞാറിലെ ഒരു വിവാഹ വീട്ടില്‍ നിന്നുമാണ് സ്വര്‍ണം കളഞ്ഞുകിട്ടിയത്. ഈ മാസം 16നാണ് വിവാഹം നടന്നത്. അവകാശികളെത്തുമെന്ന് കരുതി വീട്ടുകാര്‍ സ്വര്‍ണം വീട്ടില്‍ തന്നെ സൂക്ഷിക്കുകയായിരുന്നു. ആരും എത്താത്തതിനെ തുടര്‍ന്നാണ് ആഭരണം കാസര്‍കോട് ടൗണ്‍ പോലീസില്‍ ഏല്‍പിച്ചത്.

ഉടമസ്ഥര്‍ വ്യക്തമായ തെളിവുമായി എത്തിയാല്‍ സ്വര്‍ണം മടക്കിനല്‍കുമെന്ന് കാസര്‍കോട് സിഐ അറിയിച്ചു.