ദുബൈയില്‍ നിന്ന് വിഴുങ്ങിയ സ്വര്‍ണ ഗുളികള്‍ വയറ്റില്‍ കുടുങ്ങി; തച്ചങ്ങാട് സ്വദേശി ആശുപത്രിയില്‍

ബേക്കല്‍: ദുബൈയില്‍ നിന്ന് 350 ഗ്രാം സ്വര്‍ണം ഗുളിക രൂപത്തിലാക്കി വിഴുങ്ങി നാട്ടിലെത്തിയ യുവാവിനെ ഗുരുതര നിലയില്‍ മംഗലാപുരത്തെ ആശുപത്രിയില്‍ പ്രവേശിപ്പിച്ചു. ബേക്കല്‍ തച്ചങ്ങാട്ടെ ശശിധരന്‍ (43) ആണ് അത്യാസന്ന നിലയില്‍ ആശുപത്രിയില്‍ കഴിയുന്നത്.

വിവരമറിഞ്ഞ് പോലീസും കസ്റ്റംസും ആശുപത്രിയില്‍ ശശിധരന് കാവല്‍ നില്‍ക്കുകയാണ്. നാല് ദിവസം മുമ്പാണ് ശശിധരന്‍ സ്വര്‍ണ ഗുളികകള്‍ വിഴുങ്ങി ഗള്‍ഫില്‍ നിന്ന് നാട്ടിലെത്തിയത്. അതിന് ശേഷം മലശോധന ഉണ്ടായില്ല. തുടര്‍ന്ന് എനിമ നല്‍കിയിയെങ്കിലും ഫലമുണ്ടായില്ല. ശോധന തടസപ്പെട്ടതിന് പുറമെ കടുത്ത വയറു വേദനയും അനുഭവപ്പെട്ടതോടെ മംഗലാപുരത്തെ ആശുപത്രിയില്‍ പ്രവേശിപ്പിക്കുകയായിരുന്നു. സ്‌കാനിംഗ് പരിശോധനയിലാണ് വയറ്റില്‍ 350 ഗ്രാം തൂക്കമുള്ള 25 സ്വര്‍ണ ഗുളികകള്‍ ഉള്ളതായി കണ്ടെത്തിയത്.

സംഭവം ആശുപത്രി അധികൃതര്‍ പോലീസിനെ അറിയിച്ചു. പോലീസ് നടത്തിയ അന്വേഷണത്തിലാണ് ശശിധരന്‍ ദിവസങ്ങള്‍ക്ക് മുമ്പ് ഗള്‍ഫില്‍ നിന്ന് നാട്ടിലെത്തിയ കാര്യം വ്യക്തമായത്. സ്വര്‍ണ ഗുളികള്‍ ഗള്‍ഫില്‍ നിന്ന് കടത്തിയതാണെന്ന് ബോധ്യപ്പെട്ടതിനെ തുടര്‍ന്ന് സംഭവം കസ്റ്റംസിനെയും അറിയിച്ചു. വര്‍ഷങ്ങള്‍ക്ക് മുമ്പ് ഗള്‍ഫിലായിരുന്ന ശശിധരന്‍ കുറച്ചു കാലമായി നാട്ടില്‍ തന്നെയായിരുന്നു. പിന്നീട് നാല് മാസം മുമ്പാണ് തിരിച്ചു പോയത്.

വിഴുങ്ങിയ സ്വര്‍ണം നാട്ടില്‍ വെച്ച് പുറത്തെടുത്ത ശേഷം വിവരം അറിയിക്കാനായി ഒരു മൊബൈല്‍ നമ്പരും ശശിധരന് നല്‍കിയിരുന്നതായി പോലീസ് പറഞ്ഞു. ഈ നമ്പര്‍ ആരുടേതാണെന്ന് പോലീസ് അന്വേഷിച്ച് വരികയാണ്. വിഴുങ്ങി കടത്തിക്കൊണ്ടു വന്ന സ്വര്‍ണത്തിന് പ്രതിഫലമായി രണ്ട് ലക്ഷം രൂപ വാഗ്ദാനം ചെയ്തിരുന്നതായും ശശിധരന്‍ പോലീസിനെ അറിയിച്ചിട്ടുണ്ട്.


ശശിധരന്റെ വയറ്റില്‍ നിന്ന് സ്വര്‍ണം പുറത്തെടുക്കാന്‍ ശസ്ത്രക്രിയ നടത്തേണ്ടി വരുമെന്ന് ഡോക്ടര്‍മാര്‍ പോലീസിനെ അറിയിച്ചിട്ടുണ്ട്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords: Gold Smuggling, Dubai, Kasaragod, Bekal, Hospital, Police, Custums, Mangalore Airport,   Mobile Phone, Cheating, Complaint, Bank, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.

Advertisement: