ഈസ്റ്റ് എളേരിയിലെ ഡിഫ്ത്തീരിയ; ഉടന്‍ നടപടി സ്വീകരിക്കാന്‍ മന്ത്രിയുടെ നിര്‍ദേശം

By Web Desk - MainJun 21, 2019, 12:15 IST

ചിറ്റാരിക്കാല്‍: (www.kasargodvartha.com 21.06.2019) ഈസ്റ്റ് എളേരി ഗ്രാമപ്പഞ്ചായത്തില്‍ ഡിഫ്ത്തീരിയ രോഗം കണ്ടെത്തിയതോടെ ഉടന്‍ നടപടി സ്വീകരിക്കാന്‍ ആരോഗ്യമന്ത്രി കെ കെ ശൈലജ നിര്‍ദേശം നല്‍കി. പഞ്ചായത്തിലെ അതിരുമാവ്, മൂത്താടിത്തട്ട് കോളനികളിലാണ് ഡിഫ്ത്തീരിയ രോഗം കണ്ടെത്തിയിരിക്കുന്നത്. സത്വരനടപടിയാവശ്യപ്പെട്ട് എം രാജഗോപാലന്‍ എം എല്‍ എ മന്ത്രിക്ക് നിവേദനം നല്‍കിയിരുന്നു.

ജില്ലാ മെഡിക്കല്‍ ഓഫീസര്‍ക്കും പരിയാരം മെഡിക്കല്‍ കോളേജ് അധികൃതര്‍ക്കുമാണ് വേണ്ട നടപടി സ്വീകരിക്കാന്‍ മന്ത്രി നിര്‍ദേശം നല്‍കിയത്.