ട്രെയിനില്‍ കയറുമ്പോള്‍ പാളത്തിലേക്ക് വീണ് ഡാന്‍സറുടെ കാല്‍പാദമറ്റു

കാസര്‍കോട്: നീങ്ങാന്‍ തുടങ്ങിയ ട്രെയിനില്‍ ഓടിക്കയറുന്നതിനിടയില്‍ പാളത്തിലേക്ക് വീണ് ഡാന്‍സറായ യുവാവിന്റെ കാല്‍പാദം അറ്റു. തിരൂര്‍ സ്വദേശി വേലായുധന്റെ മകന്‍ ഹരീഷി[21] ന്റെ വലതു കാല്‍പാദമാണ് അറ്റത്. വെള്ളിയാഴ്ച പുലര്‍ച്ചെ മൂന്നുമണിക്ക് കാസര്‍കോട് റെയില്‍വേ സ്‌റ്റേഷനിലാണ് സംഭവം.

മംഗള എക്‌സ്പ്രസില്‍ ഉഡുപ്പിയില്‍ നിന്നും തിരൂരിലേക്ക് പോകുകയായിരുന്നു ഹരീഷ്. ട്രെയിന്‍ കാസര്‍കോട്ടെത്തിയപ്പോള്‍ വെള്ളമെടുക്കാനായി ഇറങ്ങിയ ഹരീഷ് നീങ്ങാന്‍ തുടങ്ങിയ ട്രെയിനില്‍ ചാടിക്കയറുന്നതിനിടെ പാളത്തിലേക്ക് വീഴുകയായിരുന്നു. ട്രെയിനിന്റെ ചക്രം കയറിയിറങ്ങിയാണ് കാല്‍പാദം അറ്റുപോയത്.

 ഉടന്‍ തന്നെ ഹരീഷിനെ റെയില്‍വേ പോലീസും നാട്ടുകാരും ചേര്‍ന്ന് കാസര്‍കോട്ടെ ആശുപത്രിയില്‍ എത്തിക്കുകയും പ്രഥമ ശുശ്രൂഷയ്ക്ക് ശേഷം മംഗലാപുരം ആശുപത്രിയിലേക്ക് മാറ്റുകയും ചെയ്തു. ഉഡുപ്പിയില്‍ ഒരു പരിപാടി അവതരിപ്പിച്ച് മറ്റ് അഞ്ചുപേര്‍ക്കൊപ്പം നാട്ടിലേക്ക് മടങ്ങുകയായിരുന്നു ഹരീഷ്.

Also Read:
പ്രധാനമന്ത്രിയുടെ പാക് നയത്തെ തമിഴിലും ഹിന്ദിയിലും ഇംഗ്ലീഷിലും ചോദ്യം ചെയ്ത് നരേന്ദ്ര മോഡി

Keywords: Dancer, Mangala Express, Wheel, Train, Youth, Railway-track, Udupi, Kasaragod, Hospital, Treatment, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.