പ്രകടനവുമായി നീങ്ങിയ ഡി വൈ എഫ് ഐ പ്രവര്‍ത്തകര്‍ ബി ജെ പി ഓഫീസും കൊടിമരവും ബോര്‍ഡുകളും തകര്‍ത്തു; സ്ഥലത്ത് സംഘര്‍ഷാവസ്ഥ

നീലേശ്വരം: (www.kasargodvartha.com 15.08.2017) പ്രകടനവുമായി നീങ്ങിയ ഡി വൈ എഫ് ഐ പ്രവര്‍ത്തകര്‍ ബി ജെ പി ഓഫീസും കൊടിമരവും ബോര്‍ഡുകളും തകര്‍ത്തു. മാവുങ്കാലിലെ അക്രമ വിവരം അറിഞ്ഞ് നീലേശ്വരം മാര്‍ക്കറ്റ് ജംഗ്ഷനില്‍ സംഘടിച്ച 200 ഓളം വരുന്ന ഡി വൈ എഫ് ഐ പ്രവര്‍ത്തകരാണ് പ്രകടനമായി നീങ്ങി വ്യാപകമായ അക്രമം അഴിച്ചുവിട്ടത്. തളിയില്‍ ക്ഷേത്ര ഭാഗത്തുകൂടെ കടന്നുപോയ പ്രകടനം ബി ജെ പിയുടെ ബോര്‍ഡുകളും കൊടിമരങ്ങളും മറ്റും തകര്‍ത്തു.


നീലേശ്വരം മേല്‍പാലത്തിനു സമീപം മാട്ടുമ്മല്‍ കോംപ്ലക്സില്‍ പ്രവര്‍ത്തിക്കുന്ന ബി ജെ പി തൃക്കരിപ്പൂര്‍ നിയോജക മണ്ഡലം കമ്മിറ്റി ഓഫീസ് കല്ലെറിഞ്ഞുതകര്‍ത്തു. വിവരമറിഞ്ഞ് പോലീസും സ്ഥലത്തെത്തിയിരുന്നു. പ്രവര്‍ത്തകര്‍ ഇപ്പോഴും പലസ്ഥലങ്ങളില്‍ നിലയുറപ്പിച്ചിരിക്കുകയാണ്. ഇവരെ പിരിച്ചുവിടാന്‍ പോലീസ് ജാഗ്രത പാലിച്ചുവരികയാണ്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords : Nileshwaram, CPM, BJP, Clash, Office, Attack, Kasaragod, Police, Kanhangad.