ചുവരെഴുത്തിനെ ചൊല്ലി സിപിഎം- ബിജെപി സംഘര്‍ഷം; 4 പേര്‍ക്ക് പരിക്ക്

കാഞ്ഞങ്ങാട്: (www.kasargodvartha.com 23.01.2018) ചുവരെഴുത്തിനെ ചൊല്ലി സിപിഎം- ബിജെപി പ്രവര്‍ത്തകര്‍ തമ്മില്‍ ഏറ്റുമുട്ടി. സംഘര്‍ഷത്തില്‍ നാലു പേര്‍ക്ക് പരിക്കേറ്റു. ബിജെപി മാണിക്കോത്ത് ബൂത്ത് സെക്രട്ടറി അനൂപ് (28), ചുമട്ടുതൊഴിലാളി ഫെഡറേഷന്‍ (ബിഎംഎസ്) ഹൊസ്ദുര്‍ഗ് മേഖലാ വൈസ് പ്രസിഡന്റ് ഷിജു (32), സിപിഎം പ്രവര്‍ത്തകരായ മാണിക്കോത്തെ പി.കെ. അക്ഷയ് (21), കെ.സി. സുനില്‍ (29) എന്നിവര്‍ക്കാണ് പരിക്കേറ്റത്.

പരിക്കേറ്റ ബിജെപി പ്രവര്‍ത്തകരെ മംഗളൂരുവിലെ ആശുപത്രിയിലും സിപിഎം പ്രവര്‍ത്തകരെ ജില്ലാ ആശുപത്രിയിലും പ്രവേശിപ്പിച്ചു. കഴിഞ്ഞ ദിവസം രാത്രി മാണിക്കോത്താണ് സംഭവം. ബിജെപിയുടെ ചുവരെഴുത്ത് സിപിഎം പ്രവര്‍ത്തകര്‍ മായിച്ചുകളഞ്ഞത് ചോദ്യം ചെയ്തതിനെ തുടര്‍ന്നുണ്ടായ വാക്കുതര്‍ക്കമാണ് സംഘര്‍ഷത്തില്‍ കലാശിച്ചത്.


അതേസമയം ബസ് സ്റ്റോപ്പിലിരിക്കുകയായിരുന്ന തങ്ങളെ മുന്‍ വൈരാഗ്യത്തിന്റെ പേരില്‍ ബിജെപി പ്രവര്‍ത്തകര്‍ മര്‍ദിക്കുകയായിരുന്നുവെന്ന് സിപിഎം പ്രവര്‍ത്തകര്‍ ആരോപിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kanhangad, Kasaragod, Kerala, News, CPM, BJP, Clash, Injured, Hospital, CPM-BJP clash; 4 injured.