പെണ്ണ് ചോദിച്ചെത്തിയ കാമുകന്റെ കൂട്ടരും പെണ്‍വീട്ടുകാരും തമ്മില്‍ തര്‍ക്കം; ഒടുവില്‍ പിതാവിനെ അടിച്ചുവീഴ്ത്തി, യുവതി കാമുകനൊപ്പം ഇറങ്ങിപ്പോയി

By Web Desk - MainJun 9, 2018, 09:32 IST

രാജപുരം: (www.kasargodvartha.com 09.06.2018) കാമുകിയെ പെണ്ണ് ചോദിച്ച് ചെന്ന കാമുകനും ബന്ധുക്കളും പിതാവിനെ അടിച്ചുവീഴ്ത്തി. കാമുകി വീടിന്റെ പിന്നാമ്പുറത്തുകൂടെ കാമുകന്റെ കൂടെ ഇറങ്ങിപ്പോയി. വിവാഹിതയായി. പിതാവിന്റെ പരാതിയില്‍ കാമുകനും ബന്ധുക്കള്‍ക്കുമെതിരെ പോലീസ് കേസെടുത്തു.

കള്ളാര്‍ മുണ്ടോട്ട് സ്വദേശിനിയും ടെന്‍ത് പയസ് കോളേജിലെ വിദ്യാര്‍ത്ഥിനിയുമായ അഞ്ജുഷയാണ് മൈക്ക് ഓപ്പറേറ്റര്‍ സുനില്‍കുമാറിന്റെ കൂടെ വീട്ടില്‍ നിന്നും ഇറങ്ങിപ്പോയത്.

അഞ്ജുഷയും സുനില്‍കുമാറും ഏറെക്കാലമായി പ്രണയത്തിലായിരുന്നു. കഴിഞ്ഞ ദിവസം സുനില്‍കുമാറും സഹോദരന്‍ സുധീഷും അമ്മാവന്‍ രവീന്ദ്രനും അഞ്ജുഷയെ വിവാഹം കഴിച്ചുതരണമെന്ന് ആവശ്യപ്പെട്ട് വീട്ടില്‍ നേരിട്ട് ചെന്നു. എന്നാല്‍ അഞ്ജുഷയുടെ പിതാവ് കുഞ്ഞമ്പു നായര്‍ വിവാഹത്തിന് സമ്മതിച്ചില്ല. തുടര്‍ന്ന് ഇരുവരും തമ്മിലുണ്ടായ വാക്കേറ്റത്തിനും കയ്യാങ്കളിക്കുമിടയിലാണ് കുഞ്ഞമ്പുനായര്‍ നിലത്തു വീണത്.