പോലീസുകാരന്റെ യൂണിഫോം വലിച്ചുകീറി മര്‍ദിച്ചതിന് 3 പേര്‍ക്കെതിരെ കേസ്

കാസര്‍കോട്: പോലീസുകാരന്റെ യൂണിഫോം വലിച്ചുകീറി മര്‍ദിച്ചതിന് മൂന്ന് പേര്‍ക്കെതിരെ കാസര്‍കോട് ടൗണ്‍ പോലീസ് കേസെടുത്തു. കാസര്‍കോട് എ.ആര്‍. ക്യാമ്പിലെ പോലീസുകരന്‍ പ്രവീണിന്റെ യൂണിഫോം വലിച്ചുകീറി മര്‍ദിച്ചതിനാണ് വിനോദ്, വിശ്വന്‍ കണ്ടാലറിയാവുന്ന മറ്റൊരാള്‍ എന്നിവര്‍ക്കെതിരെ കേസെടുത്തത്.

ഞായറാഴ്ച രാത്രി 10 മണിക്ക് മല്ലികാര്‍ജുന ക്ഷേത്ര പരിസരത്ത് കബഡി ടൂര്‍ണമെന്റ് നടക്കുന്നതിനിടയില്‍ കളിക്കാര്‍ തമ്മല്‍ പ്രശ്‌നമുണ്ടായപ്പോള്‍ ക്രമസമാധാനപാലനത്തിന് നേതൃത്വം നല്‍കുന്നതിനിടയിലാണ് പോലീസ് കോണ്‍സ്റ്റബിളിനെ സംഘം മര്‍ദിച്ചത്. ഔദ്യോഗിക കൃത്യനിര്‍വ്വഹണം തടസ്സപ്പെടുത്തിയതിനും മര്‍ദിച്ചതിനുമാണ് കേസെടുത്തത്.


Also read:
ഉറങ്ങിപ്പോയ മോഷ്ടാവിനെ നാട്ടുകാര്‍ പിടികൂടി പോലീസിനു കൈമാറി