കയറ്റത്തില്‍ കാര്‍ നിയന്ത്രണംവിട്ട് വീട്ടുമുറ്റത്തേക്ക് തലകീഴായി മറിഞ്ഞു

By Web Desk - MainApr 24, 2018, 11:07 IST

വെള്ളരിക്കുണ്ട്: (www.kasargodvartha.com 24.04.2018) കയറ്റത്തില്‍ കാര്‍ നിയന്ത്രണംവിട്ട് വീട്ടുമുറ്റത്തേക്ക് തലകീഴായി മറിഞ്ഞു. പരപ്പ- മാലോം റോഡിലെ കോലുംകാലില്‍ തിങ്കളാഴ്ച രാവിലെ ഒമ്പതു മണിയോടെയാണ് അപകടമുണ്ടായത്.

കാറോടിച്ചിരുന്ന ചുള്ളി പള്ളിക്ക് സമീപത്തെ മൂന്നുപീടികയില്‍ തോമസിന് (54) പരിക്കേറ്റു. മാലോത്തു നിന്നും വരികയായിരുന്ന കാര്‍ കയറ്റത്തില്‍ നിയന്ത്രണംവിട്ട് തോട്ടുമാക്കല്‍ രാജുവിന്റെ വീട്ടുമുറ്റത്തേക്ക് മറിയുകയായിരുന്നു. പരിക്കേറ്റ തോമസിനെ ആശുപത്രിയില്‍ പ്രവേശിപ്പിച്ചു.