മുപ്പതടി താഴ്ചയിലേക്ക് മറിഞ്ഞ കാര്‍ കാട്ടുവള്ളികളില്‍ കുടുങ്ങി; യാത്രക്കാര്‍ രക്ഷപ്പെട്ടു

By Web Desk - MainMar 20, 2018, 11:22 IST

ബോവിക്കാനം: (www.kasargodvartha.com 20.03.2018) നിയന്ത്രണം തെറ്റി കുഴിയിലേക്കു വീണ കാര്‍ കാട്ടുവള്ളികളില്‍ കുടുങ്ങി. ഇതോടെ യാത്രക്കാര്‍ താഴ്ചയിലേക്ക് വീഴാതെ രക്ഷപ്പെട്ടു. തിങ്കളാഴ്ച വൈകിട്ട് ആറു മണിയോടെ ചെര്‍ക്കള -മുള്ളേരിയ പാതയിലെ കൊടവഞ്ചിയിലാണ് അപകടമുണ്ടായത്. മുപ്പതടിയിലേറെ താഴ്ചയുള്ള കുഴിയിലേക്കാണ് കാര്‍ മറിഞ്ഞത്.

കര്‍ണാടക -സുള്ള്യപദവ് അരിയടുക്കയിലെ മുഹമ്മദ് മുസ്തഫയും സുഹൃത്ത് സലാമുമാണ് കാറിലുണ്ടായിരുന്നത്. കനത്ത മഴയില്‍ കാര്‍ നിയന്ത്രണം വിട്ട് മറിയുകയായിരുന്നു. പോലീസും നാട്ടുകാരും ചേര്‍ന്ന് മുസ്തഫയെയും സലാമിനെയും ആശുപത്രിയിലെത്തിച്ചു.