പോലീസ് സ്റ്റേഷന്‍ വളപ്പില്‍ വാഹനങ്ങള്‍ കത്തി നശിച്ചു

By Web Desk - MainFeb 27, 2019, 16:29 IST

ബേക്കല്‍: (www.kasargodvartha.com 27.02.2019) ബേക്കല്‍ പോലീസ് സ്റ്റേഷന്‍ വളപ്പില്‍ ബുധനാഴ്ച രാവിലെയുണ്ടായ തീപിടുത്തത്തില്‍ പതിനൊന്ന് ഇരുചക്ര വാഹനങ്ങള്‍ പൂര്‍ണമായും കത്തിനശിച്ചു. വിവിധ കേസുകളില്‍ തൊണ്ടിമുതലുകളായി പിടിച്ചെടുത്ത് സ്റ്റേഷന്‍വളപ്പില്‍ സൂക്ഷിച്ച ഒമ്പത് ബൈക്കുകളും രണ്ട് സ്‌കൂട്ടിയുമാണ് കത്തി നശിച്ചത്. ബുധനാഴ്ച രാവിലെ 11.30 മണിയോടെയായിരുന്നു പോലീസ് ക്വാര്‍ട്ടേഴ്സിനോട് ചേര്‍ന്ന് സൂക്ഷിച്ചിരുന്ന ബൈക്കുകള്‍ക്ക് തീപിടിച്ചത്.

പോലീസുകാരും സമീപ വാസികളും ചേര്‍ന്ന് തീ അണച്ചെങ്കിലും പതിനൊന്ന് ഇരുചക്രവാഹനങ്ങളും പൂര്‍ണമായും കത്തിനശിച്ചിരുന്നു. തീപിടുത്തത്തിന് കാരണം എന്താണെന്ന് വ്യക്തമല്ല.