city-gold-ad-for-blogger
Aster MIMS 10/10/2023
Aster MIMS 10/10/2023

Development | വൈദ്യുതി സംഭരിച്ച് ലഭ്യമാക്കുന്ന സംവിധാനം 2026ൽ മയിലാട്ടിയിൽ പ്രവർത്തനം ആരംഭിക്കും; പെരിയ എയർസ്ട്രിപ്പിന് 50 ലക്ഷം; ബജറ്റിൽ കാസർകോടിന് കിട്ടിയത്

Photo Credit: Facebook/ Kerala State Electricity Board

● കോവളം - ബേക്കൽ ജലപാതയ്ക്ക് 500 കോടി രൂപയുടെ വിഹിതം.
● എൻഡോസൾഫാൻ ദുരിതബാധിതർക്ക് 17 കോടി രൂപയുടെ സഹായം.
● ജില്ലാ, താലൂക്ക് ആശുപത്രികളിൽ ഡയാലിസിസ് യൂണിറ്റുകൾ സ്ഥാപിക്കും.

കാസർകോട്:  (KasargodVartha) ജില്ലയുടെ ഊർജ മേഖലയിൽ വലിയ മുന്നേറ്റം ലക്ഷ്യമിട്ട് സംസ്ഥാന ബജറ്റിൽ സുപ്രധാന പ്രഖ്യാപനം. പകൽ സമയത്ത് കുറഞ്ഞ നിരക്കിൽ ലഭിക്കുന്ന വൈദ്യുതി സംഭരിച്ച് രാത്രിയിൽ ഉപയോഗിക്കുന്ന ബാറ്ററി എനർജി സ്റ്റോറേജ് സംവിധാനം 2026 ൽ മയിലാട്ടിയിൽ പ്രവർത്തനം ആരംഭിക്കും. 500 മെഗാവാട്ട് ഉത്പാദന ശേഷിയുള്ള ഈ പദ്ധതിക്കായി അഞ്ച് കോടി രൂപ വകയിരുത്തിയതായി ധനമന്ത്രി കെ എൻ ബാലഗോപാൽ ബജറ്റിൽ പ്രഖ്യാപിച്ചു. 

കേരളത്തിന്റെ ടൂറിസം മേഖലയ്ക്ക് വലിയ ഉണർവ് നൽകുന്ന കോവളം - ബേക്കൽ ജലപാതയ്ക്ക് 500 കോടി രൂപ ബജറ്റിൽ വകയിരുത്തി. ഇതിൽ കാസർകോടിനും വലിയ പ്രാധാന്യം ലഭിക്കും. പെരിയ എയർസ്ട്രിപ്പിന്റെ വികസനത്തിനായി 50 ലക്ഷം രൂപ ബജറ്റിൽ വകയിരുത്തി. ലോക ടൂറിസം ഭൂപടത്തിൽ ഇടം നേടിയ ബേക്കലിന്റെ ടൂറിസം സാധ്യതകൾ കൂടി പ്രയോജനപ്പെടുത്തിയാണ് എയർസ്ട്രിപ്പ് പദ്ധതി വരുന്നത്. 

ഹാർബർ എഞ്ചിനീയറിംഗ് വകുപ്പിന്റെ നിയന്ത്രണത്തിൽ കാസർകോട് തുറമുഖത്തിന്റെ നവീകരണം ഈ വർഷം പൂർത്തിയാക്കും. എൻഡോസൾഫാൻ ദുരിതബാധിതർക്ക് 17 കോടി രൂപ വകയിരുത്തിയതാണ് ബജറ്റിലെ മറ്റൊരു പ്രധാന പ്രഖ്യാപനം. ജില്ലാ ആസ്ഥാനത്തെയും താലൂക്ക് ആസ്ഥാനത്തെയും സർക്കാർ ആശുപത്രികളിൽ ഡയാലിസിസ് യൂണിറ്റുകൾ ആരംഭിക്കുമെന്നും ബജറ്റിൽ പ്രഖ്യാപിച്ചിട്ടുണ്ട്. ദേശീയപാത 66 ന്റെ വികസനം 2025 ൽ യാഥാർഥ്യമാകുമെന്നും ധനമന്ത്രി അറിയിച്ചു.

ഈ വാർത്ത പങ്കുവെക്കാനും അഭിപ്രായങ്ങൾ രേഖപ്പെടുത്താനും മറക്കരുത്. 

The Kerala Budget announces a significant energy storage system, tourism development in Kasaragod, and other infrastructure projects, including dialysis units.

#Kasaragod #EnergyStorage #KeralaBudget #TourismDevelopment #BatteryStorage #InfrastructureProjects

 

 

Share this story

google news
Aster mims 04/11/2022
Local News
Kasargodvartha android application
UNITED MEDICAL CENTER 01/02/2022
SWISS-TOWER 24/07/2023
wellfitindia
News Hub