ബാര്‍ബര്‍ ഷോപ്പുടമയെ കാണാനില്ലെന്ന് പരാതി; പോലീസ് അന്വേഷണം ആരംഭിച്ചു

By Web Desk - MainMay 6, 2018, 17:08 IST

ബേക്കല്‍: (www.kasargodvartha.com 06.05.2018) ബാര്‍ബര്‍ ഷോപ്പുടമയെ കാണാനില്ലെന്ന പരാതിയില്‍ കേസെടുത്ത പോലീസ് അന്വേഷണം ആരംഭിച്ചു. തമിഴ്നാട് സ്വദേശിയും തായല്‍ മൗവ്വലില്‍ താമസക്കാരനുമായ മുത്തുവിനെ (44)യാണ് കാണാതായത്. മാങ്ങാട്ട് ബാര്‍ബര്‍ ഷോപ്പ് നടത്തിവരികയായിരുന്നു. ഏപ്രില്‍ 30 മുതല്‍ മുത്തുവിനെ കാണാനില്ലെന്ന് പോലീസില്‍ നല്‍കിയ പരാതിയില്‍ പറയുന്നു.

വര്‍ഷങ്ങളായി മുത്തുവും കുടുംബവും തായല്‍ മൗവ്വലില്‍ താമസിച്ച് വരികയാണ്. മുത്തുവിനെ കാണാതായതില്‍ ദുരൂഹതയുയര്‍ന്നിട്ടുണ്ട്.