കടയില്‍ കയറി വ്യാപാരിയെ മര്‍ദിക്കുകയും സാധനങ്ങള്‍ക്ക് കേടുപാട് വരുത്തുകയും ചെയ്തതായി പരാതി; പോലീസ് കേസെടുത്തു

By Web Desk - MainOct 12, 2019, 11:59 IST

കാസര്‍കോട്: (www.kasargodvartha.com 12.10.2019) കടയില്‍ കയറി വ്യാപാരിയെ മര്‍ദിക്കുകയും സാധനങ്ങള്‍ക്ക് കേടുപാട് വരുത്തുകയും ചെയ്തതായി പരാതി. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു. കേളുഗുഡ്ഡെ സ്വദേശിയും ചക്കര ബസാറില്‍ കട നടത്തുകയും ചെയ്യുന്ന നൂറുല്ല (45)യുടെ പരാതിയില്‍ കണ്ടാലറിയാവുന്ന ഒരാള്‍ക്കെതിരെയാണ് കാസര്‍കോട് ടൗണ്‍ പോലീസ് കേസെടുത്തത്.

ഇക്കഴിഞ്ഞ വ്യാഴാഴ്ച ഉച്ചയ്ക്ക് 12 മണിയോടെയാണ് സംഭവമെന്ന് പോലീസില്‍ നല്‍കിയ പരാതിയില്‍ പറയുന്നു.