അഡൂരിൽ കാട്ടുപോത്ത് ആക്രമണം; ഗൃഹനാഥന് ഗുരുതര പരിക്ക്

കാസർകോട്: (KasargodVartha) അഡൂർ പള്ളഞ്ചി ബാളങ്കയത്ത് കാട്ടുപോത്തിന്റെ ആക്രമണത്തിൽ ഗൃഹനാഥന് ഗുരുതരമായി പരിക്കേറ്റു. ബാളങ്കയത്തെ കുഞ്ഞിരാമൻ (75) ആണ് ആക്രമണത്തിന് ഇരയായത്.

വ്യാഴാഴ്ച രാവിലെ 7.30 ഓടെ വീട്ടിൽ നിന്ന് കടയിലേക്ക് സാധനങ്ങൾ വാങ്ങാൻ പോകുമ്പോഴായിരുന്നു സംഭവം. ഗുരുതരമായി പരിക്കേറ്റ കുഞ്ഞിരാമനെ ഉടൻതന്നെ കാസർകോട്ടെ കെയർവെൽ ആശുപത്രിയിൽ പ്രവേശിപ്പിച്ചു.

ഈ പ്രദേശത്ത് വന്യജീവികളുടെ ആക്രമണം വർധിച്ചു വരികയാണെന്ന് നാട്ടുകാർ പറയുന്നു. സംഭവത്തെക്കുറിച്ച് വിവരമറിഞ്ഞ ഉടൻതന്നെ വനം വകുപ്പ് ഉദ്യോഗസ്ഥർ സ്ഥലത്തെത്തി അന്വേഷണം ആരംഭിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: A 75-year-old man, Kunjiraman, was seriously injured in a wild buffalo attack in Adoor, Kasaragod, while he was on his way to a shop. Locals report an increase in wildlife attacks in the area, and forest officials have begun an investigation. 

#WildBuffaloAttack, #Adoor, #Kasaragod, #WildlifeAttack, #KeralaNews, #Injury