കാറും ബൈക്കും കൂട്ടിയിടിച്ച് രണ്ടുപേര്‍ക്ക് പരിക്ക്

By Web Desk SNNov 5, 2017, 18:11 IST

ഉപ്പള: (www.kasargodvartha.com 05.11.2017) കാറും ബൈക്കും കൂട്ടിയിടിച്ച് രണ്ടുപേര്‍ക്ക് പരിക്കേറ്റു. ബൈക്ക് യാത്രക്കാരായ ആരിക്കാടി കടവത്തെ മുഹമ്മദലി (27), റഫീഖ് (27) എന്നിവര്‍ക്കാണ് പരിക്കേറ്റത്. ഇരുവരെയും കുമ്പള സഹകരണാശുപത്രിയില്‍ പ്രവേശിപ്പിച്ചു.

ശനിയാഴ്ച രാത്രി എട്ട് മണിയോടെ ഉപ്പള കൈക്കമ്പയിലാണ് അപകടമുണ്ടായത്. മഞ്ചേശ്വരം ഭാഗത്തേക്ക് പോകുന്നതിനിടെ ഇവര്‍ സഞ്ചരിച്ച ബൈക്കില്‍ കാസര്‍കോട് ഭാഗത്തേക്ക് വരികയായിരുന്ന കാര്‍ നിയന്ത്രണം വിട്ട് ഇടിക്കുകയായിരുന്നു.