ട്രയിനില്‍ ദമ്പതികളെ കൊള്ളയടിച്ച കേസ് കാസര്‍കോട് പോലീസിന് കൈമാറി
Aug 4, 2012, 23:55 IST
എറണാകുളം നോര്‍ത്ത് പൈപ്പ്‌ലൈന്‍ റോഡില്‍ ഈച്ചരങ്ങാട്ട് വേണുശങ്കരനേയും ഭാര്യ ലിപ്‌സിയെയുമാണ് കഴിഞ്ഞ ദിവസം ട്രെയിനില്‍ കൊള്ളയടിച്ചത്. ട്രയിന്‍ കാഞ്ഞങ്ങാട് എത്തിയപ്പോഴായിരുന്നു സംഭവം.
ഉറക്കത്തിനിടയില്‍ ഹാന്‍ഡ് ബാഗ് തട്ടിയെടുത്ത മോഷ്ടാവിനെ പിടികൂടാന്‍ പിന്നാലെ ഓടിയ ലിപ്‌സി ട്രെയിനില്‍ നിന്ന് വീണുവെങ്കില്‍ അത്ഭുതകരമായി രക്ഷപ്പെടുകയായിരുന്നു. പതിനായിരം യു.എ.ഇ ദിര്‍ഹം, ആറായിരം രൂപ, പാസ്‌പോര്‍ട്ടുകള്‍, മൊബൈല്‍ഫോണ്‍, വാച്ച് മറ്റ് വിലപ്പെട്ട രേഖകള്‍ എന്നിവയാണ് ബാഗിലുണ്ടായിരുന്നത്. ഗള്‍ഫില്‍ നിന്നും വരികയായിരുന്നു ദമ്പതികള്‍. ഇവരുടെ പരാതിയില്‍ കണ്ണൂര്‍ റെയില്‍വേ പോലീസാണ് കേസെടുത്തിരുന്നത്. സംഭവം കാഞ്ഞങ്ങാട് വെച്ച് നടന്നതിനാലാണ് അന്വേഷണം കാസര്‍കോട് റെയില്‍വേ പോലീസിന് കൈമാറിയത്.
കവര്‍ച്ചകള്‍ തടയാനും യാത്രക്കാരുടെ സുരക്ഷയ്ക്കും ശക്തമായ നടപടികള്‍ സ്വീകരിച്ചിട്ടുണ്ടെന്ന് അധികൃതര്‍ ആവര്‍ത്തിച്ചു പറയുന്നതിനിടയിലും യാതൊരു തടസ്സവുമില്ലാതെ ട്രെയിനുകളില്‍ കവര്‍ച്ച നിര്‍ബാധം നടക്കുകയാണ്. അധികൃതര്‍ കാണിക്കുന്ന അലംഭാവമാണ് കവര്‍ച്ച പെരുകാന്‍ കാരണമായത്. കവര്‍ച്ചയ്ക്കിരയായവരുടെ പരാതിയില്‍ കേസെടുക്കുന്നതല്ലാതെ ഒന്നിലും വ്യക്തമായ അന്വേഷണം നടത്താന്‍ തയ്യാറാകുന്നില്ല. ഇതാണ് കവര്‍ച്ചക്കാര്‍ക്ക് തുണയാകുന്നത്.
Keywords: Robbery, Train, Case, Kanhangad, Kasaragod, Kerala, Kannur, Railway Police.
Related News:
തീവണ്ടിയില്‍ നിന്ന് യുവതിയെ അക്രമിച്ച് സ്വര്‍ണാഭരണങ്ങള്‍ കവര്‍ന്നു
Related News:
തീവണ്ടിയില്‍ നിന്ന് യുവതിയെ അക്രമിച്ച് സ്വര്‍ണാഭരണങ്ങള്‍ കവര്‍ന്നു
Tags
Share this story
