Arrested | കാസര്‍കോട് സ്വദേശിയായ കുപ്രസിദ്ധ മോഷ്ടാവ് കണ്ണൂരില്‍ അറസ്റ്റില്‍

കണ്ണൂര്‍: (www.kasargodvartha.com) കാസര്‍കോട് സ്വദേശിയായ കുപ്രസിദ്ധ മോഷ്ടാവ് കണ്ണൂരില്‍ അറസ്റ്റില്‍. കണ്ണൂര്‍ ജില്ലാ ആശുപത്രി പരിസരത്ത് നിര്‍ത്തിയിട്ട ഓടോ ടാക്‌സി കുത്തിത്തുറന്ന് പണവും സ്വര്‍ണവും കവര്‍ന്നുവെന്ന കേസിലാണ് ഇയാള്‍ പിടിയിലായത്. ചിറ്റാരിക്കാല്‍ പൊലീസ് സ്റ്റേഷന്‍ പരിധിയിലെ ഷൈജു ജോസഫിനെ (41) യാണ് കണ്ണൂര്‍ സിറ്റി സ്റ്റേഷ നിലെ എസ്‌ഐ പ്രമോദും സംഘവും ചേര്‍ന്ന് അറസ്റ്റ് ചെയ്തത്.
        
കഴിഞ്ഞ ദിവസം പുലര്‍ചെ, ആശുപത്രി പരി സരത്ത് നിര്‍ത്തിയിട്ട ഏച്ചൂര്‍ സ്വദേശി ജി മനോജിന്റെ ഓടോ ടാക്‌സിയുടെ ഡാഷ് ബോക്‌സ് തകര്‍ത്ത് അകത്ത് സൂക്ഷിച്ചിരുന്ന കാല്‍ പവന്റെ കമ്മലും മൂവായിരം രൂപയും എടിഎം കാര്‍ഡും മോഷ്ടിച്ചെന്നാണ് കേസ്. പരാതിയില്‍ കേസെടുത്ത് നടത്തിയ അന്വേഷണത്തിനിടെ പ്രതിയെ കണ്ടെത്തുകയും ഇയാളില്‍ നിന്നും രണ്ട് ഫോണുകളും മോഷണം പോയ എടിഎം കാര്‍ഡും മൂന്ന് പേഴ്‌സും ആറ് സ്‌പോര്‍ട്‌സ് പാന്റ്‌സും പിടികൂടിയതായും പൊലീസ് അറിയിച്ചു.
    
ടൗണിലെ കടയില്‍ നിന്നും മോഷ്ടിച്ച സാധനങ്ങളും പ്രതിയില്‍ നിന്നും കണ്ടെടുത്തതായും നിരവധിമോഷണ കേസിലെ പ്രതിയാണ് ഇയാളെന്നും പൊലീസ് പറഞ്ഞു. അറസ്റ്റിലായ യുവാവിനെ കോടതിയില്‍ ഹാജരാക്കി റിമാന്‍ഡ് ചെയ്തു. < !- START disable copy paste -->