കണ്ണപുരത്ത് ലോറികള്‍ കൂട്ടിയിടിച്ച് കാസര്‍കോട് സ്വദേശികള്‍ ഉള്‍പെടെ രണ്ടു പേര്‍ക്ക് പരിക്ക്

By Web Desk - MainJul 26, 2019, 11:08 IST

കണ്ണൂര്‍: (www.kasargodvartha.com 26.07.2019) കണ്ണപുരത്ത് ലോറികള്‍ കൂട്ടിയിടിച്ച് കാസര്‍കോട് സ്വദേശികള്‍ ഉള്‍പെടെ രണ്ടു പേര്‍ക്ക് പരിക്കേറ്റു. പിലാത്തറ പാപ്പിനിശ്ശേരി കെ എസ് ടി പി റോഡില്‍ കണ്ണപുരം പാലത്തിന് സമീപം രാവിലെ ഏഴു മണിയോടെയാണ് അപകടമുണ്ടായത്. കാസര്‍കോട് സ്വദേശി വിനീത് (25), യു പി സ്വദേശി അരവിന്ദ് (30) എന്നിവര്‍ക്കാണ് പരിക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചു.

മംഗളൂരുവില്‍ നിന്നും കണ്ണൂരിലേക്ക് പൂഴി കയറ്റി പോകുകയായിരുന്ന കെ.എല്‍ 7 സി ജെ 7848 ലോറിയും എതിരെനിന്നും വരികയായിരുന്ന കണ്ണൂര്‍ ഭാഗത്ത് നിന്നും മഹാരാഷ്ട്രയിലേക്ക് പോവുകയായിരുന്ന എന്‍ എല്‍ 01 ക്യു സി 278 ലോറിയുമായി കൂട്ടിയിടിച്ചത്.