കണ്ണൂര്‍ സ്വദേശി തളങ്കരയില്‍ തീവണ്ടി തട്ടിമരിച്ച നിലയില്‍

By Webdesk ViFeb 25, 2012, 11:09 IST

കണ്ണൂര്‍ സ്വദേശി തളങ്കരയില്‍ തീവണ്ടി തട്ടിമരിച്ച നിലയില്‍

Balakrishnan

കാസര്‍കോട്: ഒരു വര്‍ഷം മുമ്പ് വീട്ടില്‍ നിന്നും ഇറങ്ങിയ ആള്‍ തളങ്കരയില്‍ തീവണ്ടി തട്ടിമരിച്ച നിലയില്‍. കണ്ണൂര്‍ നടുവിലിലെ അനന്തന്റെ മകന്‍ ബാലകൃഷ്ണനെയാണ്(58) തളങ്കര മുസ്ലീംഹൈസ്‌കൂളിന് സമീപത്തെ ഒവര്‍ബ്രിഡിജിനടുത്ത് തീവണ്ടി തട്ടിമരിച്ച നിലയില്‍ കണ്ടെത്തിയത്. വെള്ളിയാഴ്ച രാത്രി വഴിയാത്രക്കാരായ ചിലരാണ് ഗുരുതരാവസ്ഥയില്‍ പിടയുന്ന ബാലകൃഷ്ണനെ കണ്ടെത്തി പോലീസില്‍ വിവരമറിയിച്ചത്.

പോലീസ് സ്ഥലത്തെത്തി കാസര്‍കോട് ജനറല്‍ ആശുപത്രിയില്‍ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. മൃതദേഹത്തിന്റെ സമീപത്ത് നിന്നും കറുത്ത ഒരു ബാഗും തുണി സഞ്ചിയും കണ്ടെത്തിയിരുന്നു. ഇതില്‍ നിന്നും ലഭിച്ച സ്റ്റേറ്റ് ബാങ്കിന്റെ പാസ്ബുക്കില്‍ നിന്നും ലഭിച്ച ഫോണ്‍ നമ്പര്‍ പ്രകാരം ബന്ധുക്കളെ വിവരമറിയിക്കുകയായിരുന്നു. വീട്ടുകാരാണ് ഒരു വര്‍ഷം മുമ്പ് ഇയാള്‍ പോയതാണെന്ന് അറിയിച്ചത്. വിവരമറിഞ്ഞ് ബന്ധുക്കള്‍ കാസര്‍കോട്ടെത്തിയിട്ടുണ്ട്.