എ ബി വി പി പ്രവര്‍ത്തകന്‍ ശ്യാമപ്രസാദ് കൊലപാതകം: മുഖ്യ സൂത്രധാരന്‍ പിടിയില്‍

By Webdesk ViSep 2, 2018, 12:54 IST

കണ്ണൂര്‍:(www.kasargodvartha.com 02/09/2018) കണ്ണൂര്‍ പേരാവൂരില്‍ എ ബി വി പി പ്രവര്‍ത്തകന്‍ കെ.വി. ശ്യാമപ്രസാദിനെ കൊലപെടുത്തിയ കേസിലെ മുഖ്യ സൂത്രധാരന്‍ പിടിയില്‍. പോപ്പുലര്‍ ഫ്രണ്ട് ഉരുവച്ചാല്‍ ഡിവിഷന്‍ പ്രസിഡന്റ് വി.എം സലീമാണ് പിടിയിലായത്. ഒളിവില്‍ പോയിരുന്ന സലീമിനെ കര്‍ണാടക- മഹാരാഷ്ട്ര അതിര്‍ത്തിയില്‍ നിന്ന് പേരാവൂര്‍ പോലീസ് പിടികൂടുകയായിരുന്നു. അവിടെ ഒരു ഹോട്ടലില്‍ ജോലി ചെയ്യുകയായിരുന്നു സലീം.

കാക്കയങ്ങാട് ഐ.ടി.ഐ. മെക്കാനിക്കല്‍ എന്‍ജിനീയറിംഗ് വിദ്യാര്‍ത്ഥിയായ ശ്യാമപ്രസാദ് ക്ലാസ് കഴിഞ്ഞ് ബൈക്കില്‍ വീട്ടിലേക്ക് മടങ്ങവേ കഴിഞ്ഞ ജനുവരി 19നാണ് ശ്യാമപ്രസാദിനെതിരെ ആക്രമണം നടത്തി കൊലപ്പെടുത്തിയത്.