പുഴയില്‍ കുളിക്കാനിറങ്ങിയ യുവാവ് മുങ്ങിമരിച്ചു

Raju

രാജപുരം: പുഴയില്‍ കുളിക്കാനിറങ്ങിയ യുവാവ് മുങ്ങിമരിച്ചു. പെരുമ്പള്ളി പുല്‍ക്കുഴിയിലെ പരേതനായ കിഴക്കേടത്ത് ജോണിന്റെ മകന്‍ രാജുവാ (45) ആണ് മുങ്ങിമരിച്ചത്. ബുധനാഴ്ച വൈകിട്ട് കുടുംബൂര്‍ പുഴയിലെ ചെക്ക്ഡാമില്‍ ബന്ധുവിനോടൊപ്പം കുളിക്കാനിറങ്ങിയപ്പോഴാണ് അപകടം. പുഴയിലിറങ്ങിയ രാജുവിനെ ഏറെ നേരം കഴിഞ്ഞിട്ടും കണ്ടില്ല. തുടര്‍ന്ന് നാട്ടുകാര്‍ തെരച്ചില്‍ നടത്തിയെങ്കിലും കണ്ടെത്താനായില്ല. പിന്നീട് കുറ്റിക്കോലില്‍ നിന്നെത്തിയ ഫയര്‍ഫോഴ്‌സും രാജപുരം പൊലീസും ചേര്‍ന്ന് മൂന്ന് മണിക്കൂര്‍ നേരം നടത്തിയ തെരച്ചിലിനൊടുവിലാണ് മൃതദേഹം കണ്ടെത്താനായത്. മൃതദേഹം പോസ്റ്റുമോര്‍ട്ടത്തിനായി ജില്ലാ ആശുപത്രിയിലേക്ക് മാറ്റി.
ഭാര്യ: റിനി. അമ്മ: ഏലിക്കുട്ടി. മക്കള്‍: അഞ്ജു, അഖില്‍. സഹോദരങ്ങള്‍: മിനി, ബിന്ദു, മോളി.