ഭാര്യയെ ആസിഡ് ഒഴിച്ച് കൊല്ലാന്‍ ശ്രമിച്ച കേസില്‍ കുറ്റപത്രം സമര്‍പ്പിച്ചു
Jun 1, 2012, 15:39 IST
ഭര്‍ത്താവുമായുള്ള പ്രശ്‌നങ്ങള്‍ കാരണം അകന്ന് ജീവിക്കാന്‍ ആഗ്രഹിച്ച ഉഷ മറ്റൊരു വിവാഹത്തിന് തയ്യാറെടുത്തിരുന്നു. ഈ വിവരമറിഞ്ഞ രാജന്‍ ബാബു ചിന്താമണിയുടെ വീട്ടിലെത്തുകയും ഉഷയുമായി വഴക്ക് കൂടുകയുമായിരുന്നു. ഇതിനിടെയാണ് കൈയില്‍ കരുതിയിരുന്ന ആസിഡ് രാജന്‍ബാബു ചിന്താമണിയുടെ ദേഹത്തൊഴിച്ചത്. 2011 ജൂണ്‍ 12 ന് കാഞ്ഞങ്ങാട് പൂങ്കാവനം ക്ഷേത്രത്തിലാണ് രാജന്‍ബാബുവും ഉഷയും വിവാഹിതരായത്. രാജന്‍ ബാബുവിന്റെ സഹോദരി ലതയെയാണ് ഉഷയുടെ സഹോദരന്‍ ചന്ദ്രന്‍ വിവാഹം കഴിച്ചത്.
ചന്ദ്രനും ലതയും തമ്മിലുള്ള ദാമ്പത്യ ബന്ധത്തില്‍ പ്രശ്‌നങ്ങളുണ്ടായതോടെ രാജന്‍ ബാബു സ്വന്തം വീട്ടില്‍ പോകാനോ ബന്ധുക്കളുമായി സംസാരിക്കാനോ ഉഷയെ അനുവദിച്ചിരുന്നില്ല. ഇതേതുടര്‍ന്ന് ഉഷ രാജന്‍ബാബുവുമായി പിണങ്ങി സ്വന്തം വീട്ടിലേക്ക് പോവുകയായിരുന്നു. പിന്നീടാണ് ചിന്താമണിയുടെ വീട്ടില്‍ ഉഷ ഹോംനേഴ്‌സായി ജോലി തുടങ്ങിയത്. ഉഷ മറ്റൊരാളെ വിവാഹം ചെയ്യാന്‍ ആലോചിക്കുകയും ഈ യുവാവുമായി മൊബൈല്‍ ഫോണില്‍ നിരന്തരം സംസാരിക്കുകയും ചെയ്യുന്നുവെന്ന വിവരമറിഞ്ഞാണ് രാജന്‍ ബാബു പ്രകോപിതനായത്. ഈ സംഭവത്തില്‍ കേസെടുത്ത പോലീസ് പ്രതിയെ പിന്നീട് അറസ്റ്റ് ചെയ്യുകയായിരുന്നു.
Keywords: W ife, Murder Attempt, Case, Husband, Panayal, Kasaragod
Tags
Share this story
