കാഞ്ഞങ്ങാട് ഡിവിഷന്‍ സാഹിത്യോത്സവ് സമാപിച്ചു

കാഞ്ഞങ്ങാട്: കേരള സ്റ്റേറ്റ് സുന്നി സ്റ്റുഡന്റ്‌സ് ഫെഡറേഷന്‍ (എസ്.എസ്.എഫ്) കാഞ്ഞങ്ങാട് ഡിവിഷന്‍ സാഹിത്യോത്സവ് സമാപിച്ചു. പടന്നക്കാട് അയ്യൂബ് ഖാന്‍ സഅദി നഗറില്‍ നടന്ന ഉദ്ഘാടന സമ്മേളനം ഡിവിഷന്‍ വൈസ് പ്രസിഡണ്ട് ഇസ്മാഈല്‍ മൗലവിയുടെ അധ്യക്ഷതയില്‍ എസ്.എസ്.എഫ് മുന്‍ ജില്ലാ പ്രസിഡണ്ട് അഷ്‌റഫ് അഷ്‌റഫി ആറങ്ങാടി ഉദ്ഘാടനം ചെയ്തു.

തുടര്‍ന്ന് നടന്ന കലാമത്സരത്തില്‍ 223 പോയിന്റ് നേടി കാഞ്ഞങ്ങാട് സെക്ടര്‍ ഒന്നാം സ്ഥാനവും, 191, 190 എന്നീ പോയിന്റുകള്‍ നേടി യഥാക്രമം അജാനൂര്‍, നീലേശ്വരം സെക്ടറുകള്‍ രണ്ടും മൂന്നും സ്ഥാനങ്ങളും കരസ്ഥമാക്കി.


വൈകിട്ട് നടന്ന സമാപന സമ്മേളനം എസ്.എസ്.എഫ് ജില്ലാ പ്രസിഡണ്ട് അബ്ദുര്‍ റസാഖ് സഖാഫി കോട്ടക്കുന്ന് ഉദ്ഘാടനം ചെയ്തു. ഡിവിഷന്‍ പ്രസിഡന്റ് മഹ്മൂദ് അംജദി അധ്യക്ഷത വഹിച്ചു. വിജയികള്‍ക്കുള്ള ട്രോഫി വിതരണം നഗരസഭ കൗണ്‍സിലര്‍ പ്രദീപ് മരക്കാപ്പ്, എം.ഹസൈനാര്‍, ഇ.കെ.കെ.പടന്നക്കാട് എന്നിവര്‍ നിര്‍വഹിച്ചു.

എസ്.എസ്.എഫ് ജില്ലാ കള്‍ചറല്‍ സെക്രട്ടറി സിദ്ദീഖ് പൂത്തപ്പലം അനുമോദന പ്രഭാഷണം നടത്തി. എസ്.വൈ.എസ് ഹൊസ്ദുര്‍ഗ് സോണ്‍ പ്രസിഡന്റ് മടിക്കൈ അബ്ദുല്ല ഹാജി, സോണ്‍ സെക്രട്ടറി അബ്ദുല്‍ ഹമീദ് മൗലവി കൊളവയല്‍, ബഷീര്‍ മങ്കയം, ഇ.കെ.എ. റഹ്മാന്‍, മുസ്തഫല്‍ ഫൈസി ബല്ലാകടപ്പുറം, ഹമീദ് മാസ്റ്റര്‍ കോട്ടപ്പുറം, അബു ഹനീഫ മാസ്റ്റര്‍, റാഷിദ് ഫാള്‌ലി, നൗഷാദ് അമാനി, ഹനീഫ അഹ്‌സനി, അബ്ദുല്ല മൗലവി ക്ലായിക്കോട്, ശിഹാബ് പാണത്തൂര്‍, ജഅ്ഫര്‍ ലത്വീഫി, നൗഷാദ് മലേഷ്യ, അഷ്‌ക്കര്‍ പടന്നക്കാട്, മൂസ പടന്നക്കാട്, റഫീക്ക് പടന്നക്കാട് എന്നിവര്‍ പ്രസംഗിച്ചു. റാഷിദ് ഹിമമി ബങ്കളം സ്വാഗതവും സിദ്ദീഖ് മൗലവി സിയാറത്തിങ്കര നന്ദിയും പറഞ്ഞു.

Also Read:  വ്യാജരേഖ കാണിച്ച് 15 കോടിയുടെ തട്ടിപ്പ്: യുവതി കസ്റ്റഡിയില്‍