റിട്ട. നേവി ഉദ്യോഗസ്ഥന്‍ സൂര്യാഘാതമേറ്റ് മരിച്ചു

കാഞ്ഞങ്ങാട്: (www.kasargodvartha.com 11.04.2014) റിട്ട. നേവി ഉദ്യോഗസ്ഥന്‍ സൂര്യാഘാതമേറ്റ് മരിച്ചു. അരയി കാര്‍ത്തികയിലെ പൂച്ചക്കാടന്‍ കൃഷ്ണന്‍ (61) ആണ് വെള്ളിയാഴ്ച പുലര്‍ച്ചെ മരിച്ചത്.

വ്യാഴാഴ്ച ഉച്ചയ്ക്ക് വീട്ടിനടുത്ത് വെയിലേറ്റ് തളര്‍ന്ന് വീണ കൃഷ്ണനെ മംഗലാപുരം ആശുപത്രിയില്‍ പ്രവേശിപ്പിച്ചിരുന്നു. ഭാര്യയും കാഞ്ഞങ്ങാട് നഗരസഭയിലെ കണ്ടിന്‍ജന്റ് ജീവനക്കാരിയുമായ ദേവകിയാണ് ഉച്ചക്ക് വീട്ടിലെത്തിയപ്പോള്‍ കൃഷ്ണനെ മുറ്റത്ത് വീണു കിടക്കുന്നത് കണ്ടത്. ശരീരത്തില്‍ പൊള്ളലേറ്റ പാടുകള്‍ ഉണ്ടായിരുന്നു.

കൊച്ചി നേവല്‍ ബേസിലെ ജീവനക്കാരനായിരുന്നു. മക്കള്‍: ലിസ, ആശ, അഭിലാഷ്. മരുമക്കള്‍: നിത്യാനന്ദന്‍, രവികുമാര്‍. സഹോദരങ്ങള്‍: ഇന്ദിര, ചന്ദ്രശേഖരന്‍,(എസ്.ഐ കാസര്‍കോട്) മാധവി, നാരായണന്‍, പരേതരായ പാര്‍വ്വതി, കുഞ്ഞിരാമന്‍.