പാണത്തൂരിലെ ഡി.വൈ.എഫ്.ഐ. പ്രവര്‍ത്തകന്റെ കൊല: പ്രതി അറസ്റ്റില്‍

കാഞ്ഞങ്ങാട്: (www.kasargodvartha.com 02.07.2014) ഡി.വൈ.എഫ്.ഐ. പ്രവര്‍ത്തകന്‍ പാണത്തൂരിലെ അബ്ദുല്‍ ഷരീഫിനെ കുത്തിക്കൊന്ന കേസില്‍ പ്രതി പട്ടുവത്തെ എം.എസ്. രാജേഷിനെ(31) വെള്ളരിക്കുണ്ട് സി.ഐ. എം.കെ. സുരേഷ് കുമാര്‍ അറസ്റ്റു ചെയ്തു. കാസര്‍കോട് ജനറല്‍ ആശുപത്രിയില്‍ ചികിത്സയിലായിരുന്ന രാജേഷിനെ ചൊവ്വാഴ്ച ഉച്ചയോടെ ഡിസ്ചാര്‍ജ് ചെയ്ത ഉടന്‍ രാജപുരം സ്‌റ്റേഷനിലെത്തിച്ച് അറസ്റ്റു രേഖപ്പെടുത്തുകയായിരുന്നു.

തിങ്കളാഴ്ച രാത്രിയാണ് ശരീഫ് കുത്തേറ്റു മരിച്ചത്. സംഭവ സ്ഥലത്തുവെച്ച് നാട്ടുകാര്‍ പിടികൂടി രാജേഷിനെ മര്‍ദിച്ചിരുന്നു. അതിനാലാണ് പരിക്കേറ്റ പ്രതിയെ പോലീസ് കാവലില്‍ ജനറല്‍ ആശുപത്രിയില്‍ പ്രവേശിപ്പിച്ചത്. രാജേഷിനെ ബുധനാഴ്ച കോടതിയില്‍ ബാജരാക്കും. കൊലയ്ക്കുപയോഗിച്ച പ്രത്യേക രീതിയില്‍ പണിത കത്തി പ്രതിയില്‍ നിന്നു പോലീസ് കണ്ടെടുത്തു.