തൃക്കരിപ്പൂരില്‍ ലീഗ് പ്രവര്‍ത്തകനെ ആക്രമിച്ച ക്വട്ടേഷന്‍ സംഘത്തിലെ ഒരാള്‍ പിടിയില്‍

ചെറുവത്തൂര്‍: തൃക്കരിപ്പൂര്‍ മൊട്ടമ്മലില്‍ ലീഗ് പ്രവര്‍ത്തകന്‍ എം. ഇസ്മാഈലിനെ (38) ആക്രമിച്ച കേസില്‍ ഒരാളെ ചന്തേര പോലീസ് അറസ്റ്റ് ചെയ്തു. ചെറുവത്തൂര്‍ പയ്യങ്കിയിലെ അഷ്‌റഫിനെയാണ് അറസ്റ്റ് ചെയ്തത്.

കുഞ്ഞിമംഗലം സ്വദേശിയായ ഒരാളുടെ നിര്‍ദേശപ്രകാരമാണ് ഇസ്മാഈലിനെ കൈകാര്യം ചെയ്തതെന്ന് സൂചനയുണ്ട്. അക്രമി സംഘം സഞ്ചരിച്ച സാന്‍ഡ്രോ കാറും പോലീസ് കസ്റ്റഡിയിലെടുത്തിട്ടുണ്ട്. ഈ കാര്‍ കാസര്‍കോട് ദേളി സ്വദേശിയുടേതാണെന്നാണ് സൂചന. പോലീസ് കൂടുതല്‍ അന്വേഷണം ആരംഭിച്ചിട്ടുണ്ട്.

കഴിഞ്ഞ മാസം 29 ന് രാത്രിയാണ് അക്രമം ഉണ്ടായത്. ബൈക്കില്‍ വീട്ടിലേക്ക് പോകുന്നതിനിടയില്‍ കാറിലെത്തിയ സംഘം തടഞ്ഞുനിര്‍ത്തി ആക്രമിക്കുകയായിരുന്നുവെന്നാണ് പരാതി. ജാക്കി ലിവര്‍കൊണ്ട് തലയ്ക്കടിയേറ്റ ഇസ്‌മാഈല്‍ ഇപ്പോള്‍ ചികിത്സയിലാണ്. അക്രമം നടന്ന് ദിവസങ്ങള്‍ കഴിഞ്ഞിട്ടും പ്രതികളെ കണ്ടെത്താന്‍ കഴിയാത്ത പോലീസ് നടപടിക്കെതിരെ പ്രതിഷേധം ഉയര്‍ന്നിരുന്നു.

Also Read: 
എട്ടുവയസുകാരിയെ ബലാല്‍സംഗം ചെയ്ത് കൊലപ്പെടുത്തിയ നിലയില്‍ കണ്ടെത്തി
Keywords : Cheruvathur, Assault, Kanhangad, Ismail, Case, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.