കാഞ്ഞങ്ങാട് ബസ്സ്റ്റാന്‍ഡിലെ മൂത്രപ്പുരയില്‍ വെള്ളവും വെളിച്ചവും ഇല്ല

കാഞ്ഞങ്ങാട് ബസ്സ്റ്റാന്‍ഡിലെ കംഫര്‍ട്ട് സ്റ്റേഷന്‍

കാഞ്ഞങ്ങാട്: കാഞ്ഞങ്ങാട് ബസ്സ്റ്റാന്‍ഡിലെ മൂത്രപ്പുരയില്‍ വെള്ളവും വെളിച്ചവും ഇല്ല. കംഫര്‍ട്ട് സ്റ്റേഷനിലെ ബാത്ത്‌റൂമുകളും കക്കൂസുകളും ദുര്‍ഗന്ധപൂരിതമാണ്. ആവശ്യത്തിന് വെള്ളം ലഭിക്കാത്തതിനാല്‍ ബാത്ത്‌റൂമും കക്കൂസും ഉപയോഗിക്കാനെത്തുന്നവര്‍ ഏറെ ദുരിതമനുഭവിക്കുന്നു.

കംഫര്‍ട്ട് സ്റ്റേഷന്റെ പരിസരം മാലിന്യങ്ങള്‍ കൊണ്ട് നിറഞ്ഞിരിക്കുകയാണ്. ബാത്ത്‌റൂമില്‍ നിന്നും കക്കൂസില്‍ നിന്നും പുഴുക്കള്‍ ഇറങ്ങിവരുന്നത് പതിവ് കാഴ്ചയാണ്. കംഫര്‍ട്ട് സ്റ്റേഷന്റെ ശോചനീയാവസ്ഥ കാഞ്ഞങ്ങാട് നഗരസഭാ അധികൃതര്‍ക്ക് വ്യക്തമായി അറിയാമെങ്കിലും ഇത് പരിഹരിക്കാന്‍ ആവശ്യമായ നടപടികള്‍ സ്വീകരിക്കുന്നില്ലെന്ന് ആക്ഷേപമുണ്ട്.

കംഫര്‍ട്ട് സ്റ്റേഷനില്‍ ഈ സ്ഥിതി തുടര്‍ന്നാല്‍ കാഞ്ഞങ്ങാട് നഗരത്തില്‍ താമസിയാതെ മാരകമായ പകര്‍ച്ചവ്യാധികള്‍ പടര്‍ന്നുപിടിക്കാന്‍ ഇടയുണ്ട്. അതുകൊണ്ട് തന്നെ മൂത്രപ്പുരയില്‍ എത്രയും വേഗം അടിസ്ഥാന സൗകര്യങ്ങള്‍ ഏര്‍പ്പെടുത്താന്‍ അധികൃതര്‍ നടപടി സ്വീകരിക്കണമെന്നാണ് പൊതുവായ ആവശ്യം.

Keywords:  Water, Electricity, Kanhangad, Bus stand, Comfort station, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News