എം.എസ്.എഫ്. സ്റ്റിമുലസ്-13 ഒക്‌ടോബര്‍ 20ന് കാഞ്ഞങ്ങാട്ട്

കാഞ്ഞങ്ങാട്: എം.എസ്.എഫ് കാഞ്ഞങ്ങാട് മണ്ഡലം കമ്മിറ്റി സംഘടിപ്പിക്കുന്ന സ്റ്റിമുലസ്-13 ഒക്‌ടോബര്‍ 20ന് കാഞ്ഞങ്ങാട് എ.സി. കണ്ണന്‍നായര്‍ പാര്‍ക്കില്‍ നടക്കും. പഞ്ചായത്തുകളില്‍ നിന്നും തെരഞ്ഞെടുക്കപ്പെട്ട പ്രതിനിധികള്‍ക്കാണ് ഏകദിന ക്യാമ്പ് സംഘടിപ്പിക്കുന്നത്.

എന്‍.എ. നെല്ലിക്കുന്ന് എം.എല്‍.എ ക്യാമ്പ് ഉദ്ഘാടനം ചെയ്യും. കാഞ്ഞങ്ങാട് മുന്‍സിപ്പല്‍ ചെയര്‍പേഴ്‌സണ്‍ ഹസീന താജുദ്ദീന്‍ മുഖ്യാതിഥി ആയിരിക്കും. മെട്രോ മുഹമ്മദ് ഹാജി, പി. മുഹമ്മദ്കുഞ്ഞി മാസ്റ്റര്‍, എ. ഹമീദ്ഹാജി, ബഷീര്‍ വെള്ളിക്കോത്ത്, എം.പി. ജാഫര്‍, വിവിധ പോഷക സംഘടനകളുടെ പ്രതിനിധികള്‍ തുടങ്ങിയവര്‍ സംബന്ധിക്കും.

വിവിധ സെക്ഷനുകളില്‍ കാസര്‍കോട് എസ്.എസ്.എ പ്രോഗ്രാം ഓഫീസര്‍ ഡോ. ബാലന്‍, സിജി റിസോഴ്‌സ് പേഴ്‌സണ്‍ നിസാര്‍ കണ്ണൂര്‍, എം.എസ്.എഫ്. മുന്‍ സംസ്ഥാന സെക്രട്ടറി കരീം കുണിയ തുടങ്ങിയവര്‍ സംസാരിക്കും.

ശംസുദ്ദീന്‍ കിന്നിംഗാര്‍, ആബിദ് ആറങ്ങാടി, റഊഫ് ബാവിക്കര, സഹീര്‍ ആസിഫ്, ബാത്തുഷ പൊവ്വല്‍, നൂറുദ്ദീന്‍ ബെളിഞ്ചം, എം.എ.നജീബ് തുടങ്ങിയ എം.എസ്.എഫ് നേതാക്കള്‍ പുതിയ കര്‍മപദ്ധതികള്‍ക്ക് നേതൃത്വം നല്‍കും. സമാപന യോഗം എം.എസ്.എഫ്. സംസ്ഥാന സെക്രട്ടറി അസീസ് കളത്തൂര്‍ ഉദ്ഘാടനം ചെയ്യും.

അജാനൂര്‍ പഞ്ചായത്ത് പ്രസിഡന്റ് പി.പി. നസീമ ടീച്ചര്‍ മുഖ്യാതിഥിയായിരിക്കും. പ്രസിഡന്റ് സാദിഖുല്‍ അമീന്‍ ബല്ലാകടപ്പുറം അധ്യക്ഷത വഹിച്ചു. എം.എസ്.എഫ് സംസ്ഥാന പ്രവര്‍ത്തക സമിതിയംഗം കബീര്‍ പാലക്കാട് യോഗം ഉദ്ഘാടനം ചെയ്തു. ആബിദ് ആറങ്ങാടി, സഫീര്‍ മാണിക്കോത്ത്, യാസിന്‍ കള്ളാര്‍, ജാഫര്‍ കല്ലഞ്ചിറ, റിയാസ് ചിത്താരി, ഇജാസ്. പി.വി, റംഷീദ് നമ്പ്യാര്‍ കൊച്ചി, ഇഖ്ബാല്‍ വെള്ളിക്കോത്ത്, ഇര്‍ഷാദ് കല്ലൂരാവി, റമീസ് ആറങ്ങാടി, റംഷീദ് തോയമ്മല്‍, ഹനീഫ് കോടോംബേളൂര്‍, അര്‍ഷാദ് സിയാറത്തുങ്കര തുടങ്ങിയവര്‍ സംസാരിച്ചു.

Also Read: 
ജസീറക്ക് തീവ്രവാദ സഹായമെന്ന മന്ത്രിയുടെ ആരോപണം വിവാദമാകുന്നു

Keywords : MSF, kasaragod, Kanhangad, Meet, Kerala, inauguration, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: