ട്രെയിന്‍ യാത്രക്കാരന്റെ മൊബൈല്‍ കവര്‍ന്നു; കര്‍ണാടക സ്വദേശി അറസ്റ്റില്‍

കാസര്‍കോട്: ട്രെയിന്‍ യാത്രക്കാരന്റെ മൊബൈല്‍ഫോണ്‍ കവര്‍ന്ന സംഭവത്തില്‍ കര്‍ണാടക സ്വദേശിയെ പോലീസ് അറസ്റ്റ് ചെയ്തു. നോര്‍ത്ത് കര്‍ണാടകയിലെ കാര്‍വാര്‍ നീര്‍കുളിയിലെ രാം അങ്കോളിക്കലി (31) നെയാണ് റെയില്‍വേ പോലീസ് അറസ്റ്റ് ചെയ്തത്.

നിസാമുദ്ദീന്‍- എറണാകുളം മംഗളാ എക്‌സ്പ്രസിലെ യാത്രക്കാരന്‍ പുല്ലൂരിലെ എന്‍.കെ.ആരിഫിന്റെ 20,000 രൂപ വിലയുള്ള മൊബൈല്‍ഫോണ്‍ കവര്‍ന്ന കേസിലാണ് അറസ്റ്റ്.

ബുധനാഴ്ച ആരിഫ് ഗോവയില്‍ നിന്ന് നാട്ടിലേക്ക് മടങ്ങുമ്പോഴായിരുന്നു സംഭവം. ട്രെയിന്‍ പുലര്‍ച്ചെ കാഞ്ഞങ്ങാട്ട് എത്താറായപ്പോഴാണ് മോഷണം.

സംഭവം ശ്രദ്ധയില്‍പെട്ട ആരിഫ് പ്രതിയെ പിടികൂടുന്നതിനിടയില്‍ ട്രെയിനില്‍ നിന്നും ചാടിരക്ഷപ്പെടാന്‍ ശ്രമിച്ചെങ്കിലും മറ്റു യാത്രക്കാര്‍ ചേര്‍ന്ന് പിടിച്ചുനിര്‍ത്തുകയായിരുന്നു. പിന്നീടാണ് പോലീസിന് കൈമാറിയത്.
മുഖ്യമന്ത്രിക്കുനേരെ കല്ലേറ്; കെ.എസ്.ടി.എ നേതാവായ അധ്യാപകന്‍ അറസ്റ്റില്‍

Advertisement: