മര്‍ച്ചന്റ്‌സ് ജില്ലാ കമ്മിറ്റി: അഹ്മദ് ഷരീഫ് വീണ്ടും പ്രസിഡണ്ട്

കാസര്‍കോട്: കേരള വ്യാപാരി-വ്യവസായി ഏകോപന സമിതി ജില്ലാ പ്രസിഡണ്ടായി കെ. അഹ്മദ് ഷരീഫ് വീണ്ടും തിരഞ്ഞെടുക്കപ്പെട്ടു. ജനറല്‍ സെക്രട്ടറിയായി ടി.എം ജോസ് തയ്യിലും തിരഞ്ഞെടുക്കപ്പെട്ടു. മാഹിന്‍ കോളിക്കരയാണ് പുതിയ ട്രഷറര്‍. കെ.വി ലക്ഷ്മണന്‍, അബ്ദുര്‍ റഹ്മാന്‍, മഞ്ചുനാഥ പ്രഭു, പൈക്ക അബ്ദുല്ലകുഞ്ഞി എന്നിവര്‍ വൈസ് പ്രസിഡണ്ടുമാരും തോമസ് കാനാട്ട്, ഗിരീഷ് ചീമേനി, അശോകന്‍ പ്രണവം, സൂര്യനാരായണ മയ്യ, ഹമീദ് കുമ്പള എന്നിവര്‍ ജോയിന്റ് സെക്രട്ടറിമാരുമാണ്.

ചൊവ്വാഴ്ച കാഞ്ഞങ്ങാട്ട് നടന്ന ജനറല്‍ബോഡി യോഗത്തിലാണ് പുതിയ ഭാരവാഹികളെ തിരഞ്ഞെടുത്തത്. സംസ്ഥാന പ്രസിഡണ്ട് ടി. നസുറുദ്ദീന്റെ സാന്നിധ്യത്തിലായിരുന്നു തിരഞ്ഞെടുപ്പ്. പ്രസിഡണ്ട് സ്ഥാനത്തേക്ക് മുന്‍ ജില്ലാ പ്രസിഡണ്ട് പി.എ ജോസഫും മത്സരിച്ചിരുന്നു. പി.എ ജോസഫിന് 99 വോട്ടുകള്‍ ലഭിച്ചപ്പോള്‍ ഷരീഫ് 133 വോട്ടുകള്‍ നേടി. നാല് വോട്ടുകള്‍ അസാധുവായി. 243 കൗണ്‍സിലര്‍മാരില്‍ 235 പേരാണ് വോട്ട് ചെയ്തത്. അഹ്മദ് ഷരീഫ് തുടര്‍ച്ചയായി മൂന്നാം തവണയാണ് ജില്ലാ പ്രസിഡണ്ടായി തിരഞ്ഞെടുക്കപ്പെടുന്നത്. ജോസ് തയ്യലിന് ഇത് രണ്ടാം ഊഴമാണ്.

അഹ്മദ് ഷരീഫ്

പ്രസിഡണ്ട് സ്ഥാനത്തേക്ക് തിരഞ്ഞെടുക്കപ്പെട്ട അഹ്മദ് ഷരീഫ് മറ്റു ഭാരവാഹികളുടെ പേര് നിര്‍ദേശിച്ച് അഗീകാരം നേടുകയായിരുന്നു.