പനത്തടിയിലും എല്‍.ഡി.എഫിന് തിളങ്ങുന്ന ജയം

കാഞ്ഞങ്ങാട്: പനത്തടി ഗ്രാമപഞ്ചായത്തിലെ അഞ്ചാം വാര്‍ഡിലേക്ക് (പട്ടുവം) നടന്ന ഉപതെരഞ്ഞെടുപ്പില്‍ ഇടതുമുന്നണി സ്ഥാനാര്‍ത്ഥി ജൂലി സി. ഏലിയാസ് ഉജ്വല വിജയം നേടി. 240 വോട്ടിന്റെ ഭൂരിപക്ഷമാണ് അവര്‍ക്കുള്ളത്. എതിര്‍ സ്ഥാനാര്‍ത്ഥി ജനകീയ ജനാതിപത്യ മുന്നണിയിലെ ഷെര്‍ളി ബാബു 428 വോട്ടുകള്‍ നേടിയപ്പോള്‍ ജൂബിക്ക് 668 വോട്ടുകളാണ് ലഭിച്ചത്. ആകെയുള്ള 1536 വോട്ടുകളില്‍ 1096 വോട്ടുകള്‍ പോള്‍ചെയ്തു.

നേരത്തെ വാര്‍ഡില്‍ മത്സരിച്ച് ജയിച്ച ലീഗ് സ്വതന്ത്ര സ്ഥാനാര്‍ത്ഥി കോമള സര്‍ക്കാര്‍ ജോലി ലഭിച്ച് രാജിവെച്ചതിനെതുടര്‍ന്നാണ് ഉപതെരഞ്ഞെടുപ്പ് നടന്നത്. യു.ഡി.എഫ്. ഭരിക്കുന്ന പഞ്ചായത്തില്‍ കോമള സ്റ്റാന്‍ഡിംങ്ങ് കമ്മിറ്റി ചെയര്‍മാനായിരുന്നു. അവിടെയാണ് എല്‍.ഡി.എഫ്. സ്ഥാനാര്‍ത്ഥി ജൂബി മത്സരിച്ച് വാര്‍ഡ് പിടിച്ചെടുക്കുകയും 240 വോട്ടിന്റെ  ഭൂരിപക്ഷം കരസ്ഥമാക്കുകയും ചെയ്തത്. 15 അംഗ പഞ്ചായത്ത് ഭരണസമിതിയില്‍ ഭരണപക്ഷമായ യു.ഡി.എഫിന് ഒമ്പതും എല്‍.ഡി.എഫിന് ആറും സീറ്റുകളായി.


Keywords:  Panathadi, LDF, by-election, Winner, UDF, Kanhangad, Kasaragod, Kerala, Pattawam Ward, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.