അമ്മയുടെ ദാരുണ മരണത്തിന്റെ ഞെട്ടല്‍ മാറാതെ കൃജിത്ത് പ്ലസ്ടു പരീക്ഷ എഴുതി
Mar 13, 2012, 16:37 IST
അഞ്ച് ദിവസം മുമ്പാണ് കൃജിത്തിന്റെ അമ്മ ഇന്ദിരയെ അച്ഛന്‍ കാഞ്ഞങ്ങാട്ടെ ഓട്ടോ ഡ്രൈവര്‍ കൊടവലം പടാങ്കോട്ടെ കൃഷ്ണന്‍ വീടിനടുത്തുള്ള കുന്നിന്‍ പുറത്ത് വെച്ച് വെട്ടിനുറുക്കി കൊന്നത്. അമ്മയുടെ ദാരുണമായ അന്ത്യത്തെ തുടര്‍ന്ന് തളര്‍ന്ന് അവശനായ കൃജിത്ത് പരീക്ഷപോലും മറന്നു. കാരാക്കോട്ടെ അമ്മയുടെ വീട്ടിലേക്ക് താമസം മാറിയ കൃജിത്തിനെ പരീക്ഷയെഴുതാന്‍ പ്രേരിപ്പിക്കാന്‍ അദ്ധ്യാപകരും സഹപാഠികളും വീട്ടുകാരും പ്രത്യേകം ശ്രദ്ധിച്ചതിനാലാണ് പ്രായപൂര്‍ത്തിയാകാത്ത ഈ വിദ്യാര്‍ത്ഥി സമനില വീണ്ടെടുത്ത് പരീക്ഷ എഴുതാന്‍ എത്തിയത്. .
മാര്‍ച്ച് ഏഴിന് ബുധനാഴ്ച ഉച്ചയോടെ വെള്ളൂട ക്ഷേത്രത്തില്‍ പൊങ്കാല നിവേദിച്ച് പടാങ്കോട്ടെ വീട്ടിലേക്ക് മടങ്ങിയെത്തിയ ഇന്ദിരയെ സ്‌നേഹം നടിച്ച് കുന്നിന്‍പുറത്ത് വിറക് ശേഖരിക്കാന്‍ കൂട്ടിക്കൊണ്ടുപോയ കൃഷ്ണന്‍ വെട്ടി നുറുക്കി കൊലപ്പെടുത്തുകയായിരുന്നു.. അച്ഛനും അമ്മയും കുന്നിന്‍ പുറത്തേക്ക് പോകുമ്പോള്‍ കൃജിത്ത് വീട്ടിലുണ്ടായിരുന്നു. അല്‍പ്പസമയത്തിനകം അമ്മയെ അച്ഛന്‍ ക്രൂരമായി കൊലപ്പെടുത്തിയ ഞെട്ടിപ്പിക്കുന്ന വാര്‍ത്ത കൃജിത്തിനെ അറിഞ്ഞത്. സംഭവമറിഞ്ഞ് ആകെ അവശനായി തളര്‍ന്ന കൃജിത്തിനെയും ജേഷ്ഠന്‍ കൃപേഷിനെയും ബന്ധുക്കളും സുഹൃത്തുക്കളും ചേര്‍ന്ന് കാഞ്ഞങ്ങാട് കുന്നുമ്മല്‍കൃഷ്ണ നേഴ്‌സിംഗ് ഹോമില്‍ പ്രവേശിക്കുകയായിരുന്നു.
രാമനഗരം ശ്രീ രാംദാസ് ഹൈസ്ക്കൂളില്‍ എസ്എസ്എല്‍സി പൂര്‍ത്തിയാക്കി 60 ശതമാനത്തില്‍ മുകളില്‍ മാര്‍ക്ക് നേടി ചെമ്മട്ടം വയല്‍ ഹയര്‍സെക്കന്‍ഡി സ്കൂളില്‍ സയന്‍സ്ഗ്രൂപ്പില്‍ പ്രവേശനം നേടിയ കൃജിത്ത് പഠന കാര്യത്തില്‍ മികച്ച നിലവാരം പുലര്‍ത്തുന്ന കുട്ടികളില്‍ ഒരാളാണെന്ന് അദ്ധ്യാപകര്‍ സാക്ഷ്യപ്പെടുത്തുന്നു. മനസ്സില്‍ വേദനകള്‍ കനത്ത് നില്‍ക്കുമ്പോഴും കൃജിത്ത് കൃത്യമായി പരീക്ഷയെഴുതുന്നുണ്ടെന്ന് ഉറപ്പ് വരുത്താന്‍ അധ്യാപകരും സഹപാഠികളും പ്രത്യേകം ശ്രദ്ധപുലര്‍ത്തി.
അമ്മയുടെ മരണത്തെ തുടര്‍ന്ന് ആശുപത്രിയിലായ ഉടന്‍ സ്കൂള്‍ പ്രിന്‍സിപ്പാള്‍ പി.വി.ബാലകൃഷ്ണന്‍, അദ്ധ്യാപകരായ വിശ്വംഭരന്‍, വിനയന്‍ തുടങ്ങിയവര്‍ ആശുപത്രിയിലെത്തി കൃജിത്തിനെ സ്വാന്തനപ്പെടുത്തിയിരുന്നു.
Keywords: kasaragod, Kanhangad, Examination, plus-two
Also read
ഭര്‍ത്താവിന്റെ വെട്ടേറ്റു ഭാര്യ മരിച്ചു
Also read
ഭര്‍ത്താവിന്റെ വെട്ടേറ്റു ഭാര്യ മരിച്ചു
Tags
Share this story
