കാഞ്ഞങ്ങാട് കലാപം: പോലീസ് അന്വേഷണം പൂര്‍ത്തിയായി

കാഞ്ഞങ്ങാട്: കാഞ്ഞങ്ങാട് കലാപവുമായി ബന്ധപ്പെട്ട 150 ഓളം കേസുകളില്‍ പോലീസ് അന്വേഷണം പൂര്‍ത്തിയാക്കി. ഈ കേസുകളുടെ കുറ്റപത്രം കോടതിയില്‍ സമര്‍പ്പിക്കാനുള്ള നടപടികള്‍ പോലീസ് കൈക്കൊണ്ടുവരികയാണ്. സര്‍ക്കാരിന്റെ അനുമതി ലഭിച്ചാല്‍ മാത്രമേ കാഞ്ഞങ്ങാട് കലാപവുമായി ബന്ധപ്പെട്ട ഗൗരവമേറിയ കേസുകളില്‍ കുറ്റപത്രം സമര്‍പ്പിക്കാനാകുകയുള്ളൂ. 150 കേസുകളിലെയും കുറ്റപത്രം ഹൊസ്ദുര്‍ഗ് പോലീസ് ഹൊസ്ദുര്‍ഗ് ജുഡീഷ്യല്‍ ഒന്നാംക്ലാസ് മജിസ്‌ട്രേട്ട് (2) കോടതിയിലെ അസിസ്റ്റന്റ് പബ്ലിക് പ്രോസിക്യൂട്ടറെ ഏല്‍പ്പിച്ചിട്ടുണ്ട്.

എ.പി.പി ഒപ്പുവെച്ച ശേഷം ഈ കുറ്റപത്രങ്ങള്‍ ആഭ്യന്തര വകുപ്പിന്റെ അനുമതിക്കായി സമര്‍പ്പിക്കും. ആഭ്യന്തര വകുപ്പിന്റെ അനുമതി ലഭിച്ചാല്‍ മാത്രമെ കുറ്റപത്രങ്ങള്‍ കോടതി സ്വീകരിക്കുകയുള്ളൂ. 40ഓളം കുറ്റപത്രങ്ങള്‍ കഴി ഞ്ഞ ദിവസം അന്വേഷണ ഉദ്യോഗസ്ഥനായ ഹൊസ്ദുര്‍ഗ് സിഐ കെ.വി.വേണുഗോപാല്‍ ആഭ്യന്തര വകുപ്പിന്റെ അ നുമതിക്കായി സമര്‍പ്പിച്ചിരുന്നു.

30ഓളം കുറ്റപത്രങ്ങള്‍ പോ ലീസ് കോടതിയില്‍ നേരിട്ട് സമര്‍പ്പിച്ചിട്ടുണ്ട്. കാഞ്ഞങ്ങാട് സംഘര്‍ഷവുമായി ബന്ധപ്പെട്ട ബാക്കിയുള്ള കേസുക ളില്‍ പോലീസ് അന്വേഷണം ഇപ്പോഴും തുടരുകയാണ്. ക ലാപ കേസിലെ ഭൂരിഭാഗം പ്ര തികളും ഒളിവില്‍ കഴിയുന്നുണ്ട്. പ്രതികളെ പിടികൂടുന്നതിനായി പ്രത്യേക സ്‌ക്വാഡിന് തന്നെയാണ് രൂപം നല്‍കിയിരിക്കുന്നത്. സ്‌ക്വാഡിന്റെ പ്ര വര്‍ത്തനം വീണ്ടും ഊര്‍ജ്ജിതമാക്കിയിട്ടുണ്ട്.

Keywords: Clash, Kanhangad, police-enquiry, Kasaragod