ഹാജി ടി.എ. ബക്കര്‍ ഫൗണ്ടേഷന്‍ പുരസ്‌കാരം എന്‍. ഗംഗാധരന്

കാഞ്ഞങ്ങാട്: ഹാജി ടി.എ. ബക്കര്‍ ഫൗണ്ടേഷന്റെ പ്രഥമ പത്രപ്രവര്‍ത്തക അവാര്‍ഡിന് കേരള കൗമുദി കാഞ്ഞങ്ങാട് ബ്യൂറോയിലെ എന്‍. ഗംഗാധരന്‍ അര്‍ഹനായി. മതസൗഹാര്‍ദം ഊട്ടിയുറപ്പിക്കുന്നതിന് പതിറ്റാണ്ടുകളായി തൂലിക ചലിപ്പിച്ച തലമുതിര്‍ന്ന പത്രപ്രവര്‍ത്തകനാണ് ഗംഗാധരന്‍. ലേറ്റസ്റ്റ്, ജന്മദേശം, കാരവല്‍ എന്നീ പത്രങ്ങളിലൂടെ കേരള കൗമുദിയിലെത്തിയ ഗംഗാധരന്‍ ഇവിടെ ആറു വര്‍ഷമായി പ്രവര്‍ത്തിച്ച് വരികയാണ്.

ആദ്യകാല പത്രപ്രവര്‍ത്തകന്‍ അതിയാമ്പൂര്‍ വി. കുഞ്ഞിക്കൃഷ്ണന്റെ പേരിലുള്ള തുളുനാട് മാസിക പുരസ്‌കാരം ഈ വര്‍ഷം ആദ്യം ലഭിച്ചിട്ടുണ്ട്. ഭാര്യ: രാധ (റിട്ട. ജീവനക്കാരി, ഗവ. പോളിടെക്‌നിക്ക് പെരിയ). മക്കള്‍: ദീപാ ഗംഗാധരന്‍ (ബേപ്പൂര്‍), കിരണ്‍ ഗംഗാധരന്‍ (മാതൃഭൂമി, എറണാകുളം).

ശനിയാഴ്ച വൈകിട്ട് മൂന്ന് മണിക്ക് പ്രസ്‌ഫോറം ഹാളില്‍ നടക്കുന്ന ചടങ്ങില്‍ ഫൗണ്ടേഷന്‍ ചെയര്‍മാന്‍ ടി.അബൂബക്കര്‍ ഹാജി പുരസ്‌കാരം സമ്മാനിക്കും. കാഞ്ഞങ്ങാട് ഡി.വൈ.എസ്.പി പി. തമ്പാന്‍, പ്രസ്‌ഫോറം പ്രസിഡന്റ് ടി.കെ. നാരായണന്‍, പൊതുപ്രവര്‍ത്തകനും പ്രസ്‌ഫോറം മുന്‍പ്രസിഡണ്ടുമായ പി. മുഹമ്മദ്കുഞ്ഞി മാസ്റ്റര്‍ എന്നിവരടങ്ങിയ കമ്മിറ്റിയാണ് അവാര്‍ഡ് ജേതാവിനെ തെരഞ്ഞെടുത്തത്. ശില്‍പവും പ്രശംസാപത്രവും 3001 രൂപയുമടങ്ങുന്നതാണ് പുരസ്‌കാരം.

Also Read: 
ഐ.പി.എല്‍ ഒത്തുകളി: ശ്രീശാന്തിന് ആജീവനാന്ത വിലക്ക്

Keywords : Kanhangad, Award, Kerala, Haji TA Backer, N Gangadharan, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: