പെരിയ നവോദയ വിദ്യാലയത്തിലെ ഭക്ഷ്യവിഷബാധ: കുട്ടികള്‍ സുഖം പ്രാപിച്ചുവരുന്നു

കാഞ്ഞങ്ങാട്: പെരിയ നവോദയ വിദ്യാലയത്തില്‍ ഭക്ഷ്യവിഷബാധയെ തുടര്‍ന്ന് ആശുപത്രിയിലാക്കിയ വിദ്യാര്‍ത്ഥികള്‍ സുഖം പ്രാപിച്ചുവരുന്നു. ഞായറാഴ്ച രാവിലെ ഹോസ്റ്റലില്‍ നിന്നും ഇഡ്ഡലിയും സാമ്പാറും കഴിച്ച വിദ്യാര്‍ത്ഥികള്‍ക്ക് ഉച്ചയോടെ വയറുവേദന അനുഭവപ്പെടുകയായിരുന്നു.

തുടര്‍ന്ന് രാത്രിയോടെ  വേദന കലശലായതിനെ തുടര്‍ന്ന് കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിക്കുകയായിരുന്നു.  ആറാം ക്‌ളാസ് മുതല്‍ പന്ത്രണ്ടാം ക്ലാസ് വരെയുള്ള 56 വിദ്യാര്‍ത്ഥികളെയാണ് ആശുപത്രിയില്‍ പ്രവേശിപ്പിച്ചത്.

ഇതില്‍ വിവിധ സംസ്ഥാനങ്ങളില്‍ നിന്നുള്ള കുട്ടികള്‍ ഉള്‍പെടുന്നു. ഭക്ഷണം പാകം ചെയ്യാനുപയോഗിച്ച വെള്ളമാണ് ഭക്ഷ്യവിഷബാധയ്ക്ക് കാരണമെന്ന് അധികൃതര്‍ പറഞ്ഞു.

വിദ്യാലയത്തിലെ കുഴല്‍ക്കിണറില്‍ നിന്നുള്ള വെള്ളത്തിന് പുറമെ പൈപ്പ് ലൈന്‍ വഴിയുള്ള വെള്ളവും പാകം ചെയ്യാനായി ഉപയോഗിക്കുന്നുണ്ട്. വെള്ളം വിശദമായി പരിശോധിച്ച് വരികയാണെന്ന് ആരോഗ്യവകുപ്പ്  അധികൃതര്‍ വ്യക്തമാക്കി
കൂളിക്കുന്ന് സംഘര്‍ഷം: കേസുകള്‍ ഒത്തു തീര്‍ക്കാനുള്ള ശ്രമം പോലീസ് തടഞ്ഞു

Advertisement: