വ്യാജ പാസ്‌പോര്‍ട്ട്: ബദിയഡുക്ക ട്രാവല്‍ ഉടമ പോലീസ് കസ്റ്റഡിയില്‍

Moideen kunhi

കാഞ്ഞങ്ങാട്: കാഞ്ഞങ്ങാട്ടെ വ്യാജപാസ്‌പോര്‍ട്ട് കേസില്‍ റിമാന്‍ഡിലായ ബദിയഡുക്കയിലെ ട്രാവല്‍ ഏജന്‍സി ഉടമയെ കൂടുതല്‍ ചോദ്യം ചെയ്യുന്നതിനും തെളിവെടുപ്പുകള്‍ക്കും കോടതി പോലീസ് കസ്റ്റഡിയില്‍ വിട്ടുകൊടുത്തു. ബദിയഡുക്കയിലെ ഷാസ് ട്രാവല്‍സ് ഉടമ ബേളയിലെ മൊയ്തീന്‍കുഞ്ഞിയെയാണ് (34) ഹൊസ്ദുര്‍ഗ് ജുഡീഷ്യല്‍ ഒന്നാംക്ലാസ് മജിസ്‌ട്രേട്ട് (ഒന്ന്) കോടതി പോലീസ് കസ്റ്റഡിയില്‍ വിട്ടത്.

പ്രതിയെ തെളിവെടുപ്പിനായി പോലീസ് ബദിയഡുക്കയില്‍ എത്തിച്ചിരുന്നു. ഈ കേസില്‍ അറസ്റ്റിലായ മറ്റൊരു പ്രതിയെ കാഞ്ഞങ്ങാട്ടെ ഏഷ്യന്‍ ട്രാവല്‍സ് ഉടമ മുക്കൂട്ടെ എന്‍ പി അബ്ദുള്ള കുഞ്ഞിയെ (32) കോടതി നേരത്തെ റിമാന്‍ഡ് ചെയ്തിരുന്നു. പോസ്റ്റുമാന്‍ ഉള്‍പ്പെടെയുള്ളവര്‍ കണ്ണികളായ വ്യാജ പാസ്‌പോര്‍ട്ട് മാഫിയാ സംഘത്തില്‍പ്പെട്ടവരാണ് മൊയ്തീന്‍ കുഞ്ഞിയും അബ്ദുല്ല കുഞ്ഞിയുമെന്ന് പോലീസ് ഉറപ്പാക്കിയിട്ടുണ്ട്.