യാ­ത്ര ചെയ്­ത ബ­സി­ന്റെ പിന്‍­ചക്രം കയ­റി വൃ­ദ്ധ­യു­ടെ കാലുകള്‍ ത­കര്‍­ന്നു

കാസര്‍­കോട്: യാ­ത്ര ചെയ്­ത ബ­സി­ന്റെ പിന്‍ ചക്രം കയ­റി വൃ­ദ്ധ­യു­ടെ ഇ­രു കാ­ലു­കളും ത­കര്‍ന്നു. കോ­ട്ടൂര്‍ കു­ഞ്ഞിമൂ­ല ഹൗ­സി­ലെ പ­രേ­തനാ­യ നാ­രാ­യണ­ന്റെ ഭാ­ര്യ ക­ല്ല്യാ­ണി­യു­ടെ (70) ഇ­രു കാ­ലു­ക­ളു­മാ­ണ് ച­ത­ഞ്ഞ­ര­ഞ്ഞത്. വ്യാ­ഴാ­ഴ്­ച ഉ­ച്ച­യ്ക്ക് 1.30 മണി­യോ­ടെ കാ­ഞ്ഞ­ങ്ങാ­ട്-ബ­ന്ത­ടു­ക്ക­ റൂട്ടി­ലോ­ടുന്ന കെ.എല്‍. 57 എ. 3933 ന­മ്പര്‍ ലീ­ഡര്‍ ബ­സാ­ണ് അ­പക­ടം വ­രു­ത്തി­യ­ത്.

ഇ­തേ ബ­സി­ലെ യാ­ത്ര­ക്കാ­രി­യാ­യി­രു­ന്നു കല്ല്യാ­ണി ഒ­ട­യം­ചാ­ലില്‍ നി­ന്നാ­ണ് ബ­സില്‍ ക­യ­റി­യത്. ബന്തടുക്കയില്‍ നിന്ന് ബ­സി­റ­ങ്ങി ന­ട­ക്കു­ന്ന­തി­നി­ട­യില്‍ പെ­ട്ടെ­ന്ന് ബ­സ് വെ­ട്ടി­ച്ചെ­ടു­ത്ത­പ്പോള്‍ കല്ല്യാ­ണി­യു­ടെ ദേ­ഹ­ത്തി­ടി­ക്കു­കയും തെ­റി­ച്ചു വീ­ണ ഇ­വ­രു­ടെ ഇരു കാ­ലി­ലൂ­ടെ­യും പിന്‍ ച­ക്രം കയ­റി ഇറങ്ങുകയുമായിരുന്നു. ഉ­ടന്‍ തന്നെ ഓ­ടി­ക്കൂടി­യ നാ­ട്ടു­കാര്‍ കല്ല്യാ­ണി­യെ കാസര്‍­കോ­ട് കെ­യര്‍­വെല്‍ ആ­ശു­പ­ത്രി­യി­ലെ­ത്തി­ക്കു­കയായി­രു­ന്നു. നി­ല ഗു­രു­ത­ര­മാ­യ­തി­നാല്‍ മം­ഗ­ലാ­പു­രം ആ­ശു­പ­ത്രി­യി­ലേ­ക്ക് മാ­റ്റി.